Andre i Rauland: Orrenuten

Date:

01.07.2025

Characteristic:

Hillwalk

Duration:

0:54h

Distance:

2.5km

Første av to små i Rauland: Batnehov

Date:

01.07.2025

Characteristic:

Hillwalk

Duration:

0:27h

Distance:

1.6km

Russttur siste dagen i juni

Date:

30.06.2025

Characteristic:

Hillwalk

Duration:

2:19h

Distance:

6.7km

© Kristin Bakken Køyrde til Valedammen og gjekk roleg til Skor. Litt tunge bein etter løpeturen tidlegare på dagen. Gjekk litt meir på etter Skor og var oppe etter 55 min. Gjekk forbi eit ungt par i Kåbakkan, kjende dei merkeleg nok ikkje.� Drakk saft på toppen og gjekk nutane bortover før eg skar ned til Damtjønn og Svartetjønn og rett ned skardet ved Olsokfonni. (Sjølvsagt ikkje noko fonn der no etter denne dårlege snøvinteren!) I brattlia der gjekk eg på ein hoggorm, andre på ei veke. 6,7 km, 529 hm, 2 t 20 min. Gjekk aleine.

Visåsskarvet med Pb-vener

Date:

29.06.2025

Characteristic:

Hillwalk

Duration:

3:45h

Distance:

7.0km

© Kristin Bakken Hadde avtalt med siroho (Sissel) og møtast for første gong og gå ein fjelltur saman. I sterk vind fall valet i dag på Visåsskarvet som viste seg å vere innartiar. Sissel - med Øyvind - og eg parkerte på Eidsborg, gjekk grusvegen inn til Espelitjønni, og tok så av til venstre etter å ha gått gjennom tunet på Bergeli. Espeli er den gamle garden som ligg lenger inn på vestsida av tjønni. Stigen var brei og fin, kanta med nydeleg bløming av storkenebb, engsoleie, vikker og mjeller og tettegras. Den var også svært godt merkt med raudmåling, og best av alt, vi gjekk oppfrå nordaust og der var det le! Vi gjekk roleg til topps, gjorde unna fotografering og hadde kjempehyggjeleg rast i lyngen i le aust for toppunktet. Moro å dele turerfaringar og få tips. Eg lærte t.d. korleis >>>

Engfjellet- dagens andre

Date:

29.06.2025

Characteristic:

Hillwalk

Duration:

2:08h

Distance:

4.9km

© Kristin Bakken Flott tur, skar av frå stigen oppover, kanskje ikkje heilt ideelt, måtte klyve litt i ulendt terreng, men kom fint opp på nydeleg topplatå. Verkeleg favoritterreng dette, smådramatiske brynesteinsberg, fine sva, grøne lyngbakkar - og ikkje minst nydeleg rundskode! Fleire brynesteinsbrot oppover heile fjellsida, det siste rett under toppen. Prøvde å følgje stigar nedetter, men stigane tok meg for langt aust, så eg måtte følgje tversoverstig på framsida. Det siste stykket før eg var “back on track” var stupbratt, men følgde svake stigar og gjekk meg ikkje fast. Høgdepunkt: to lavskriker som eg såg på nært hald og lenge. 4,9 km, 409 hm, 2 t og 9 min - der 57 min var brukt på oppturen. Gjekk aleine.

Liten tur i Øyfjell

Date:

26.06.2025

Characteristic:

Hillwalk

Duration:

1:18h

Distance:

3.0km

© Kristin Bakken Handla i Øyfjell og tok denne vesle turen frå Fiskestigen etterpå, inspirert av Siroho, som gjekk her tidlegare i veka. Gløymde å starte klokka før litt oppi bakkane, men turen er vel på ca 3 km, og ca 200 hm. Eg gjekk raskt opp, men brukte litt meir tid nedover, for lytta etter fugl og brukte kikkert. Sjølve toppunktet var eit veldig fint platå med utsyn i alle retningar. Skreiv namnet mitt i bok som var utplassert i kasse. Stigen er veldig velbrukt, raudmerkt, og ein del jobb er gjort med å fjerne veldig mange vindfall. Gjekk aleine.

Draumedag til Grostaulnuten

Date:

25.06.2025

Characteristic:

Hillwalk

Duration:

4:45h

Distance:

7.1km

© Kristin Bakken Fekk selskap av venninne med nøkkel til bommen i Håtovegen, så vi starta høgt oppe i lia ved Håto, gjekk så god traktorveg opp forbi Brekkestaul og opp til dei flate myrene ved Fjellstaul. Her er eg godt kjend om vinteren, og det var kjempefint å sjå kor nydeleg det er her om sommaren også. Vi bestemte oss for å halde ryggen oppover mot Grostaulnuten, og der gjekk det jammen ein stig som vi ganske snart kom inn på. Det var rett og slett ein heilt perfekt dag, sol, litt vind som heldt insekta borte, ikkje for varmt, ikkje for kaldt. Vi rasta i tørr lyng ved toppen og såg då rett over mot Sprettedalsnutane. Så gjekk vi nutane austover og fann ein bratt men farbar trasé som vi følgde ned til Kvanntjønndalen. Der gjekk vi på fin stig og etter kvart ganske brei seterveg til Grostaul >>>

Fjellstulvarden på veg til hytta

Date:

24.06.2025

Characteristic:

Hillwalk

Duration:

1:46h

Distance:

5.5km

© Kristin Bakken På veg til hytta stoppa eg på høgaste punkt på Meheia og gjekk ein kvikk tur til Fjellstulvarden. Tørr og fin stig opp svaberg og bratte kleiver. Nydeleg terreng, små tjern oppå høgda der, krokfuruer og flott utsyn. Brukte 1,5 time opp, 1 time og 15 ned. 527 hm. 5,5 km. Sol og vind. Gjekk aleine.

Blæja i draumevær

Date:

12.06.2025

Characteristic:

Hillwalk

Duration:

3:06h

Distance:

6.9km

© Kristin Bakken Køyrde frå Ørsta, ferge frå Volda til Folkestad, så bil inn Dalsfjorden, og opp den ganske spinnville vegen frå Åmelfoten til Dansen. Eg tok igjen ein lastebil (!) på veg oppover. Han hadde ikkje nok svingradius i hårnålssvingane og måtte rygge fleire gonger i kvar sving. Han slepte meg forbi den eine staden det gjekk an. Då grusvegen starta, var det gravearbeid i høgre grøfta pga noko kabling så det ut som, så vegen var veldig smal. Men eg kom fram til Dansen utan å møte andre bilar, og hadde ingen problem heldigvis. Og så deilig å starte turen på nesten 600 hm! Eg gjekk aleine og hadde bestemt meg for å gå ei tryggast mogleg rute, så eg gjekk dalen både inn og ut, Kjerringane får andre kose seg med. Då eg kom inn i dalbotnen, svinga eg til venstre og prøvde å halde >>>

Krakhellanipa i godt følge

Date:

30.05.2025

Characteristic:

Hillwalk

Duration:

3:36h

Distance:

7.5km

© Kristin Bakken Anne og eg let reisefølget dra til Gulen, medan vi gjekk i land på Krakhella, og køyrde til svingen der det andre skiltet til Krakhellenipa stod. Derifrå følgde vi ein merkt stig som blei litt meir utydeleg etter den store myra, men vi nådde greitt den raudmerkte stigen og følgde den til topps. Veldig effektive høgdemetrar opp til 500 hm der fjellplatået flata ut bort mot toppen. Den traseen var merkt med varder heile vegen. Spektakulært toppunkt med vidt utsyn i alle retningar. Vi tok bilete, men pga vind og ganske låg temperatur, sparte vi nistepausen til vi var komne litt nedafor platået der vi fann ein spiseplass i le. Møtte to jenter som skulle gå 52 toppar i år, men som ikkje kjende til Peakbook! Trur vi verva dei inn….Nedturen gjekk greitt, sola kom meir fram og det >>>