Arkiv - dato

Arkiv - aktivitet

"Peakbookvenner"

Stigun
Stigun
Sola19
Sola19
siroho
siroho
avatar
Idunperq
avatar
anneirik
avatar
SFBacon
avatar
BeHe
morsor
morsor
guleri
guleri
avatar
vedhenget
Roger
Roger
avatar
LivogKristen

Lister jeg samler etter

Vis alle lister jeg samler etter

Bislingflaka og rundtur

Dato:
28.03.2025
Turtype:
Langrennstur
Turlengde:
3:12t
Distanse:
23,7km

Starta på Svartbekken, etter tips frå Skifluenseren Nils Hovelsrud som eg møtte då eg starta, tok eg løypa til Flisbanen. I motsetnad til han gjekk eg vidare til Myllsdammen og så hovudløypa til Ålsjøvika. Derifrå gjekk eg Formoløypa opp til Bislingen. Tett skodde der oppe, dessutan litt vind. Stort sett greitt føre, men ganske hardt og skittent innimellom oppover. Toppunktet var bart! Nedover mot Gjerdingen var første delen litt småhard og skitten, men sistedelen av traseen ned til Sandbekkhytts var nykøyrd og lekker. Gjekk så langs Gjerdingen tilbake. Før Fjellsjøen var høgdedraget utan snø, så måtte bere skia i 200-300 meter. Greitt etterpå tilbake til Svartbekken. 23,7 km, 571 hm, var ute i 3 timar og 12 minutt. Gjekk aleine i mildt gråvær. Kanskje siste tur i Nordmarka >>>

Kart    

Raudsinutan på ordentleg

Dato:
21.03.2025
Turtype:
Langrennstur
Turlengde:
5:00t
Distanse:
27,5km

Gjekk frå hytta ca kl 10:00. Panserføre, skyfritt og vindstille. Gjekk på klister, og det var heilt rett. Smurde på nytt då eg skulle starte på klyvinha opp frå Breivatn. Hadde gått Gjevarisen inn og det glei fint, men isen sleit på klisteret. Spikerfeste opp til Stavatjønn. Gjekk bort flata og opp til Gjeslemo. Der tok eg av frå det køyrde sporet, og gjekk inn dalen til Maurdalstjønni og vidare opp Maridalen til riset under Raudsinutan. Eg åt niste i bakken der det første skaret går opp til høgre. Der har eg gått før, og kom då opp på ein av toppane, men skjønte då eg stod der, at det ikkje var høgaste punktet. Har hatt dårleg samvit for å ha logga den som Raudsinutan! Den gongen såg eg eit bratt skard og ein nut med varde lenger mot sud. Så i dag prøvde eg å >>>

Kart    

Første gong på ski frå Umbukta

Dato:
12.03.2025
Turtype:
Langrennstur
Turlengde:
2:21t
Distanse:
13,0km

Køyrde frå Mo til Umbukta. Følgde breie skutertrasear til toppen av Mograsfjellet. Kaldt og trått føre. Nydeleg terreng der vi gjekk for første gong, 13 km, 2 timar og 20 inkl pause på toppen. 258 hm. Tom var med.

Kart    

På ski til Pinsegrønuten

Dato:
01.03.2025
Turtype:
Langrennstur
Turlengde:
3:00t
Distanse:
16,0km

Litt sliten etter gårsdagen, men bestemte meg for å ta ein kortare tur og hake av ein telemarktopp til. Starta frå Markin, gjekk løypa opp til Kvambekkheii. Det var ganske mykje vind, felleskia glapp litt, og eg var rett og slett litt daff. Gjekk den øvre løypa i retning Sprettedalsnutane. Åt nista i ein krok på hytta i dalen under nuten. Følgde løypa opp skaret, tok bratt opp til høgre under nuten, tok av skia og gjekk på beina opp det siste stykket. Flott topp med gedigent utsyn. Kald vind gjorde opphaldet ganske kort. Same vegen heim. 16 km, 3 timar, 543 hm. Gjekk aleine.

Kart    

Draumedag frå hytta til Grunntjønnuten

Dato:
28.02.2025
Turtype:
Langrennstur
Turlengde:
5:00t
Distanse:
32,0km

Herleg skidag. Starta frå hytta, gjekk Gjevarisen til Bekkjestaul, så over til løypa ved Løkin. Derifrå opp til Stavatjønn og Gjeslemo. Spiste niste i bakken opp frå Grunntjønn. Herleg føre utanom løypene, skare med styresnø. Gjekk opp aust for og bakfrå Grunntjønnuten. Gjekk først opp på den austre toppen, derifrå ned og opp på den høgaste. Den var ganske luftig og med fantastisk flott rundskode. Gjekk ein litt betre veg ned til løypa igjen. Deretter same trasé heim. Med eit par idiotkilometer, endte eg på 32 km. 594 hm. Var borte i fem timar. Gjekk aleine.

Kart     2 kommentarer

Kikuttoppen

Dato:
18.02.2025
Turtype:
Langrennstur
Turlengde:
5:57t
Distanse:
43,5km

Nydeleg februardag. Tenkte primært å gå til Kikut, men etter lunsjpause der, var eg så pigg at eg gjekk vidare nordover. Eg snudde før dei siste nedoverbakkane før Sandungseidet, men brå bestemte meg for å ta ein tur oppom Kikuttoppen i den nydelege ettermiddagssola. Som tenkt, så gjort. Turen opp gjekk heilt fint, men løypa ned til Fyllingen var eit feil val, store hol, issvollar og steinhardt. Etter ein forsiktig start med skia på nedover, tok eg rett og slett skia av og tok nedturen på føtene. Det var heilt rett, det var rett og slett ikkje skiføre ned denne kleiva i dag. Frå Fyllingen gjekk eg over isen, så Glåmene til Kobberhaugen og ned via Lørenseter til Sognsvann. 43,5 km, 966 hm, 5 t og 53 minutt. Gjekk aleine.

Kart    

Bislingen igjen

Dato:
17.04.2024
Turtype:
Langrennstur
Turlengde:
2:15t
Distanse:
21,0km

Ny vårskitur. Starta 10:15 frå Myllsdammen, gjekk raskt på skarpt føre til Trantjern. Der kom eg ikkje vidare over myra i dag. Snøbrua frå måndag var smelta bort. Så eg snudde og gjekk opp til Bislingen frå Åssjøvika. Var bortom toppunktet på Bislingflaka, før eg rasta på same stad som måndag. Det skya dessverre over, så pausen var raskt unnagjort då det også starta å snø. Gjekk litt småavstikkarar der oppe før eg køyrde nedatt. 21 km, 360 hm, 2 t 16 minutt. Gjekk aleine.

Kart    

Vårskitur til Bislingen

Dato:
15.04.2024
Turtype:
Langrennstur
Turlengde:
3:27t
Distanse:
26,0km

Køyrde til Myllsdammen og starta skituren kl 0950. Nydelege nykøyrde spor og flott vårvær. Kuldegrader om natta gav flotte forhold tidleg, gradvis tråare. Gjekk til Ølja og litt rundt omkring der først, så opp til Bislingen. Verkeleg heilt perfekt der oppe i dag. Målestaven viste 100 cm snø ved Formoløypeskiltet der oppe. Eg runda 1600 km på ski i år i dag. Har vel ikkje heilt gitt meg enno! 26 km, 410 hm, knappe 3 t og 30 ute. Fin rast oppe på Bislingflaka. Gjekk aleine.

Kart    

Branntjernhøgda - siste 100 m pf i Oslomarka

Dato:
22.03.2024
Turtype:
Langrennstur
Turlengde:
3:45t
Distanse:
22,0km

Flott vermelding, sol og varmt. Skulle hente dotter på Gardermoen så det passa fint å ta ein tur nord i Marka. Køyrde difor til Svartbekken og sikta meg inn på den siste toppen, nr 48, på Oslomarka 100 m pf. Hadde på bakgrunn av skituren dagen i forvegen smurt med raudt klister. Det var ikkje ideelt. Regnet vi fekk i Oslo hadde kome som snø på Svartbekken, og sjølv om eg hadde feste oppover, hadde eg supertrå ski som tenderte mot klabbing på veg opp til Snøploghøgda. Gjekk til Gjerdingsdammen, så Snøploghøgda og deretter litt rett fram før eg tok av ut i terrenget. Fann stort sett opne hogstfelt oppover før det blei litt tettare skog etter kvart. Det var greitt å gå, skare med nysnø, og eg sakk ikkje meir enn 5 cm nedi. Toppen var ikkje noko særleg, sol på eit ope berg, >>>

Kart    

Til Narefjell på ski

Dato:
29.01.2024
Turtype:
Langrennstur
Turlengde:
3:13t
Distanse:
20,7km

Første gong at eg prøvde skiløypene ved Svanstul. To Huldreløypa til høgre inn til Fugleleiken. Nydelege spor og trase! Gjekk så i fottråkka spor nordover. Klatra heiltvopp til toppen på smale ski, og køyrde ganske forsiktig nedatt på dei same skia!�Flott stor varde, vidt utsyn. Dåg ei rype rett nord for toppunktet. Nedatt til Fugleleiken, og bestemte meg då for å få ned meg runden rundt Svanstulflåttene. Namnet lova godt, eg likar flott-landskap, furuer og ope myrlandskap er vakkert. Slik var det også. Møtte to skiløparar på heile turen, begge rett før eg var tilbake ved parkeringa. 20,7 km, 459 hm, 3 t og 12 minutt. Gjekk aleine.

Kart