Archive - Date
Archive - Activity
- Bike trip (1)
-
Other winter trip (99)
- Snowshoe trip (99)
-
Ski trip (63)
- Backcountry skiing (38)
- Cross-country skiing (25)
- Trip by foot (1469)
Steinkrossen
- Date:
- 15.05.2024
- Characteristic:
- Hillwalk
- Duration:
- 1:48h
- Distance:
- 6.6km
Tur med kollegaer ved Førde vgs. kvar veke er det lagt inn ein tur med Førde vgs. Denne gongen vart det Steinkrossen med innlagt pause for bading i Kringlevatnet. Eg må innrømme at eg var litt skeptisk då eg såg det framleis var litt is på vatnet, men eg kunne ikkje vere verre enn to av kollegaene mine, så eg hoppa i det. Ja, det var kaldt og ja, det var godt å komme oppatt etter å ha vore uti, spesielt ettersom sola skein. Flott å sitte på toppen og berre nyte utsikta og sola. Vi kunne endå til sjå platform på Gjøafeltet. Absolutt ein fin tur.
Djupviknipa og Nordheia
- Date:
- 13.05.2024
- Characteristic:
- Hillwalk
- Duration:
- 0:57h
- Distance:
- 3.7km
Tur med mannen min. Parkeringsplassen var nesten full og det er omtrent ei folkevandring opp på Nordheia og Djupviknipa. Fint solskinn, men noko vindfullt.
Sykkeltur frå Frognerseteren til Sognsvann
- Date:
- 11.05.2024
- Characteristic:
- Bike trip - mixed
- Duration:
- 3:52h
- Distance:
- 18.0km
Lillomarka
- Date:
- 10.05.2024
- Characteristic:
- Hike
- Duration:
- 2:44h
- Distance:
- 11.2km
Tok bussen opp til Solemskogen frå Storo. Flott solskinnsdag og flott å gå. Eg må innrømme at eg er mest glad i dei turane som har litt utsikt, men det kan likevel være greitt å gå ein tur på turar utan at det er så mykje utsikt også. Då eg kom tilbake til Solemskogen, hadde eg 20 minutt til bussen skulle gå, så eg starta å gå nedover og passerte ein liten topp til på vegen.
Viefjellet
- Date:
- 06.05.2024
- Characteristic:
- Hillwalk
- Duration:
- 1:53h
- Distance:
- 7.3km
Det var planlagt tur med jobben i dag, men av ein eller annan grunn var det ingen andre som blei med på tur. Sidan eg hadde satt av tid til turen, tok eg den like godt aleine. Litt vind i dag, men fint og relativt tørt heilt frå Soleide og opp til Viafjellvarden. Litt blautare vidare frå varden og opp til toppen. På veg nedatt traff eg ein kollega som var litt seint ute, men god og svett.
Kvamsfjellet
- Date:
- 05.05.2024
- Characteristic:
- Hillwalk
- Duration:
- 4:04h
- Distance:
- 13.9km
Varden midt i Sunnfjord er ein av Indre Sunnfjord turlag sine mål i årets Titur. Så då blei det tur dit og vidare opp til Kvamsfjellet og ned på andre sida. Like greitt å gjere turen til ein rundtur når eg først er i gang. Har aldri prøvd ruta frå Gjesdalen før, så eg var litt spent på korleis den var i forhold til dei andre rutene eg har hatt. Eigentleg ganske fint å gå, sjølv om det var litt snø her og der. Litt meir snø frå Varden og opp til Kvamsfjellet og vidare over og ned til Skibakken. Brukte dei nye Merrell-skoa og dei fungerte godt i dag også. Turen over Kvamsfjellet er merkt med raude prikkar i tillegg er terrenget greitt å gå i. Flott dag å velje denne turen på med sol, trass i nokre snøfenner.
Smådalsnipa
- Date:
- 04.05.2024
- Characteristic:
- Hillwalk
- Duration:
- 2:17h
- Distance:
- 8.7km
Ny dag med temperaturar over 20 grader. Hadde fått med meg at det gjekk an å gå på Smådalsnipa, sjølv med litt snø oppover. Flott å gå og ikkje så mykje vind. Er ikkje ofte vi kan gå i shorts og singlet i starten av mai. Brukte dei nye hikingskoa eg kjøpte førre veke og startar å bli vane med dei. Eg har vanlegvis valt Salomon kvart gong. Desse er gode og eg har aldri fått gnagsår av dei. Problemet er likevel at dei er litt smale og det går hol på sida av skoa. Denne gongen blei eg anbefalt Merrell. Desse er mykje meir romsleg på foten og det må nok gå litt tid før eg vert vane med dei, men eg reknar med det skal gå seg til. Det såg ut som det var litt snø oppover bakkane, men det var mindre enn det kunne sjå ut. Eg må innrømme at etter turen på Skogstadfjellet >>>
Bolteheia
- Date:
- 03.05.2024
- Characteristic:
- Hillwalk
- Duration:
- 2:01h
- Distance:
- 6.6km
Etter å ha sett på finværet ein heil arbeidsdag, så var det først litt handling av blomster på Mo slik at vi kan få pynta opp litt rundt tunet. Bestemte så at eg kunne ta blomstrene seinare og heller ta ein tur på fjellet først. Det såg an til at Bolteheia ikkje hadde så mykje snø. Parkerte ved bommen og gjekk oppover lia. Og ganske riktig, det var ikkje mykje snø att. Nydeleg vær å gå i med over 20 grader, så var det godt med lett vind. Slike dagar må ein berre sette pris på. Nokre få snøfenner som eg kryssa utan problem. På returen sikta eg meg inn på stølshusa som ligg ved vegen. Sjølv om det ikkje er sti frå bommen, så er min konklusjon at det er den lettaste og kortaste ruta opp for oss som ikkje har lov å køyre opp til stølane ved Storevatnet.
Osstølen
- Date:
- 02.05.2024
- Characteristic:
- Hike
- Duration:
- 2:27h
- Distance:
- 6.9km
Tur med Førde vgs. Planen var å ta turen opp til Fløyen, men brua var vekke og elva var stri. Så då blei det ein liten "ekspedisjon" opp til Osstølen der vi hadde ein rast. Vi gjekk nedatt og vidare på Osen folkesti og bort til Gapahuken i Osen. Fin rundtur og ned til fotballbana der dei akkurat var ferdig med trening.