Archive - Date
Archive - Activity
- Bike trip (1)
-
Other winter trip (99)
- Snowshoe trip (99)
-
Ski trip (63)
- Backcountry skiing (38)
- Cross-country skiing (25)
- Trip by foot (1487)
Hatlesetnipa
- Date:
- 07.06.2024
- Characteristic:
- Hillwalk
- Duration:
- 2:00h
- Distance:
- 6.9km
Det såg an til å være opplett resten av dagen og turen gjekk då til Hatlesetnipa. Vi fekk rett nok noko regn på vegen, men det var i skogen før Fløgjen. Det var friskt og fint og opplett resten av turen. Utsikta frå Hatlesetnipa er ganske flott både innover mot Norddalsfjorden Eikefjorden og ikkje minst ut mot havet. Stien er nok prega av ein del regn dei siste dagane, så det er ikkje heilt lett å halde seg tørr på føtene. Men utsikta kompenserer godt for det.
Grimsetstølen
- Date:
- 06.06.2024
- Characteristic:
- Hike
- Duration:
- 1:36h
- Distance:
- 9.0km
Etter gårsdagens varierte tur med det resultat at beina vart ekstra våte, var det greitt å finne ein tur der faren for å bli meir våt ikkje var sååå stor. I tillegg fekk eg med mannen på tur, noko eg synest er veldig bra. Grimsetstølen er lettgått og på grusveg, med moglegheit for å ta seg litt ut opp bakken på midten. Vi såg an til at det vart solstrålar denne dagen og køyrde mot Naustdal. Oppover dalen starta regnet og det regna rimelig mykje og det vart grått, så vi gav opp og starta på veg heimatt. I det vi hadde snudd og køyrt ca 200 meter letta det og vi bestemte difor å likevel gå turen. Vi hadde faktisk opplett på store delar av turen og til og med litt sol. Det er i alle fall ikkje så verst å gå enkelte turar med litt regn og likevel være tørr på beina.
Skogstadfjellet
- Date:
- 05.06.2024
- Characteristic:
- Hillwalk
- Duration:
- 2:36h
- Distance:
- 6.5km
Fekk invitasjon frå søsteren om å gå ein tur på Skogstadfjellet. I desse dagar er været litt ubestemmelig. I eit øyeblikk er det høljeregn og i neste så er det sol. Og innimellom der er det haglebyger. Det er difor litt vanskeleg å finne turar som ikkje betyr at ein er kliss blaut på beina. Skogstadfjellet er fint med tanke på at deler av turen går i skog og skjermar difor for det verste regnbygene. Gleden vart stor då vi innimellom får solstrålar som til og med varmar. Sjølv om det ikkje er like fint som i mai, så må vi jo berre ta det været vi får. Og som vestlending så klarer dei fleste å glede seg over dei solstrålane vi kan få.
Hornnesstølen og Skeistølen
- Date:
- 03.06.2024
- Characteristic:
- Hillwalk
- Duration:
- 3:29h
- Distance:
- 13.3km
Tur med Førde vidaregåande turlag. Litt regn i lufta etter ca ein månad med finvær. Det stoppa ikkje dei mest ivrige i turlaget for det. Og det var faktisk ikkje så ille. Nokre regnbyger og littegrande vind var berre forfriskande. Stort sett mest opplett på turen, sjølv om beina ikkje akkurat var tørre. Det minner meg på at eg snart på imprignere skoa igjen, sjølv om eg kjem til å gløyme det til neste gong eg vert våt på beina. Og som det vert sagt: du angrer aldri på ein tur. Ikkje denne gongen heller.
Erdalsstølen
- Date:
- 02.06.2024
- Characteristic:
- Hike
- Duration:
- 1:21h
- Distance:
- 6.0km
Smalerabben frå Førde
- Date:
- 01.06.2024
- Characteristic:
- Hillwalk
- Duration:
- 4:16h
- Distance:
- 13.7km
Tur med kollegaer til Smalerabben. Testa ut ei anna rute enn vi gjekk sist. Fint å gå innover mot Lågeide og bratt opp på høgda. Dette gav mykje utsikt for innsatsen. Det er ei utfordring med høgda ned på begge sider over Smalerabben i alle fall for dei fleste. Det er ein spektakulær tur der høgdeskrekken vert utfordra. Her gjeld det å halde seg på beina og ikkje snuble. Litt vind gjorde at lunsjen måtte takast i le ved Veslerabben. Godt å sette seg ned for ein pause og nyte utsikta. Retur ned mot Berlevatnet og følge Nordsjøløypa tilbake til Førde og parkeringsplassen. Vi var godt fornøgd med turen som vart valt.
Brandsøyåsen
- Date:
- 30.05.2024
- Characteristic:
- Hillwalk
- Duration:
- 1:15h
- Distance:
- 4.6km
Tok med mannen på tur. Vi fulgte den vanlege stien frå Torvmyrane skule. Men på veg nedatt testa vi ut ei rute eg ikkje hadde prøvd før. Denne hadde nok ikkje fullt så mykje trafikk som den stien som går opp. Men vi fekk ei litt anna utsikt. Flott å teste nye stiar.
Alnakken - nesten
- Date:
- 29.05.2024
- Characteristic:
- Hillwalk
- Duration:
- 1:36h
- Distance:
- 5.3km
Planen var Alnakken, men litt rot med manglande sti gjorde at vi kom opp ei ur utan at det var mogleg å komme opp. I tillegg var litt av turfølget ikkje heilt stødig på å klyve opp i ura, så då fann vi det ut at det var lurast å gjere ein kortare versjon av turen. Så får vi heller la Alnakken være eit turmål ved seinare høve. Fin tur blei det uansett om vi ikkje kom opp til toppen denne gongen.
Fureviksnipa, Skinnbroka og Fauskevarden
- Date:
- 27.05.2024
- Characteristic:
- Hillwalk
- Duration:
- 2:08h
- Distance:
- 9.2km
Fin runde før regnet. Utsikta var fin på Fureviknipa og Skinnbroka, men då eg kom opp på Fauskevarden kom tåka kjapt på, så det var ikkje akkurat noko strålande utsikt der. Den letta like fort som den kom etter at eg hadde komme meg ned eit stykke. Jaja. Eg kan ikkje alltid få meg meg fine utsikter.
Venevassegga og Rundenova
- Date:
- 26.05.2024
- Characteristic:
- Hillwalk
- Duration:
- 3:07h
- Distance:
- 12.6km
Ny dag med finvær. Denne dagen var det ein del vind på toppane, men det var eigentleg berre hærleg med tanke på at gradestokken viste over 20 grader. Venevassegga var innsjekk på lista over titur for Indre Sunnfjord turlag. Det er lite snø i høgda, så no er det berre å ta for seg av toppar i Sunnfjord.