Archive - Date
Archive - Activity
-
Trip by foot (1)
- Hillwalk (1)
Peakbook-Friends
Collected lists
Ørna, Børahornet og Ramnereiret
- Date:
- 07.10.2023
Det vart fjelltur innimellom regn og haglbyger idag. Vi starta turen frå Leitet på Raudeberg på godt merka sti. Vi hadde heldigvis valgt gummistøvlar i dag. Etter alt regnet dei siste dagane gjekk vi til tider i gjørme og det som kunne kallast ein liten bekk. Stien tok oss forbi Ørna der vi skreiv oss i boka og så vidare til "varden" på Børahornet og så til det høgste punktet på Nord-Vågsøy på Ramnereiret. Her hadde vi god utsikt mot Stadhavet og Sildagapet i vest og nord, og Ulvesund i aust. Det var ein fin og lett tur uten bratte stigningar. Vi gjekk same vegen ned att.
Skadebakken
- Date:
- 27.09.2023
Kveldstur opp Oppedalen og rundt og tilbake til toppen av Skadebakken. Så gjekk turen austover eit lite stykke før vi prøvde å finne stien som går forbi Sør-Oppedal støylen og ned at til Oppedal og Kannesteinen. Glatt og sleipt og svært vått terreng men ein flott tur likevel.
Nibbefjellet - Storenosa - Hestetinden
- Date:
- 11.08.2023
Parkerte bilen oppe på høgden mellom Vågsvåg og Torskangerpollen. Gjekk så opp til Nibbefjellet gjennom skogen. Her var det ganske vått fyrste delen sidan vi har hatt ein del regn i det siste. Så gjekk vi vidare mot det som på skiltet var kalla Storenosa som er høgda som ligg over Færestranda (vestover) og sør om Hendanes fyr. (På dei karta som eg har sett her ligg Stornosa på ein heilt annan stad). Derifrå snudde vi sørover igjen mot Hestetinden, stien var stortsett tørr og fin. Så gjekk vi hovudstien ned mot Vombaneset og bygda Vågsvåg. Herifrå gjekk vi tur gjennom bygda og oppatt til der bilen stod oppe på høgda. Alt i alt tok vel turen ca. 4 timar og då tok vi det med ro og nytte utsikta.
