Raftevikja - Vassnykjen - Brunsvikveten (16.07.2024)

Gjekk opp frå Raftevikja, opp gjennom Krokedalen og klatra gjennom furuskogen nordover til eg kom opp på Kaldalsegga. Fylgde så denne vidare vestover til eg kom opp på Vassnykjen. Gjekk så sørover mot fjorden over fleire små skar til eg kom fram til Veten. Sette så fart ned og austetter ryggane, ned i skogen att til eg kom ned til elva som eg fylgde ei stund oppetter. Gjekk langs denne til eg kom til Rafteviksmyrane og Rafteviksvatnet.

Gjekk litt for fort nedetter, eg skulle ikkje ha følgt elva så langt. Måtte gå litt attende og klatre over ein rygg mot sør før eg kom meg ned til bilvegen igjen.

Mykje blåbær. Såg 7 hjortar, koller med kalvar ikkje lenge før eg kom opp på Vassnykjen. I tillegg fekk eg gleda av småfugl selskap her oppe. Det kvitra og summa rundt meg på alle kantar ei stund med Kjøtmeis, Granmeis, Heipiplerke og Bokfink.

NB:
Litt rot med GPS'en. Kartet stemmer ikkje heilt med slik eg gjekk i starten. Eg fylgde elva ei stund og gjekk ikkje på sørsida av denne slik som det ser ut på kartet. SÅ... gløymde eg å slå av turen før eg kom heim på tunet i Almenningen slik at det ser ut som eg gjekk noke voldsomt. Men nei, det vart berre ned til bilen på hovudvegen.