Litjehesten er fjellet eg verkeleg har vokse opp med. Frå stovevindauget kunne vi sjå rett på Litjehesten. Og på vinteren gjekk vi på ski opp til Rypehogen via den frykta Antonstien. Og då eg vart gammal nok, så var turen opp under hesten via Oksekleivheia obligatorisk. Toppen er nok ikkje like kjent som Storehesten, men for meg var Litjehesten minst like kjent. Og eg vil tru at dette gjeld fleire som er vaksen opp inst i Solheimsdalen.
Det går fint an å gå opp frå Solheimsdalen og opp til toppen av Litjehesten, men det er nok lettare frå Stølshaugane via Skaraly. No når det er komen opp bru over elva, så er det ingen problem.
Stien i dag var litt blaut, men med nydeleg vær, så gjorde det ikkje noko. På returen gjekk eg via høgste punktet på Litjehesten. Der fekk eg litt betre utsikt mot Solheimsdalen.
Kommentarer