Rundtur frå Jøldalshytta (24.09.2019)

Starta dagen med å fyre primus i teltet ved Jølvatnet for å få varma ein nase som var ganske kald etter klårversnatta. Med ein halvliter kaffe i kroppen, morgonsola i ansiktet og joggeskoa stramt snørt bar det innover Svartådalen langs raudmerka tursti. Følgde skilting mot Trollheimshytta og etterkvart mot Geithetta. Godt merka sti som er umuleg å bomme på.

Frå dagens første smultring, Geithøtta N, var det slutt på privilegiet med å kunne følgje sti og merking. Hadde på førehand plotta dagens knappenåler på GPS-klokka, så einaste navigasjonsutfordringa var å finne enklaste veg mellom punkta. Dagen vart brukt til nokre gode, og nokre ikkje fullt så gode vegval, mykje grunna snøfonner med dårleg bæreevne. Trødde gjennom og ned i steinur fleire gonger, men unngjekk dei store skadane, men unntak av litt såre leggar og anklar.

Frå toppen av Svarthøtta vart ruta lagt søraustover og ned mot to lettkjøpte smultringar i Søndre og Nordre Kjølen, og deretter ned mot stien tilbake til Jøldalshytta.

Brukte litt tid på å grave fram motivasjonen for å pakke saman telt og utstyr, for så å sale opp storsekken og traske dei knappe fem kilometrane mot bilen etterpå.

© Steinar Aarvåg

© Steinar Aarvåg

© Steinar Aarvåg