Nytt forsøk på Salane frå Boremyr under ganske andre forhold enn dagen før. Starta i sol og tilnærma vårvarme, men etter kvart skya det til, utan at det gjorde noko. Følgte spora mine frå dagen før og kom lett opp på Salane, som har flott utsikt mot Tysdalsvatnet og kjente toppar i både Holta- og Jørpelandsheia. Eg hadde ikkje all verdens tid, så det blei med denne eine toppen før retur same veg. Flott nedrenn til Prammaleitet og så langt det gjekk på traktorvegen. Om lag 2 ¼ timar på tur. Eg vil anslå snømengda i terrenget til 30-50 cm, med ein del synlege steinar.
Kommentarer