Salane på ski frå Målandsdalen (04.03.2020)

Written by Kaare_70

Map

Ascents	Salane (658m)	04.03.2020

Nytt forsøk på Salane frå Boremyr under ganske andre forhold enn dagen før. Starta i sol og tilnærma vårvarme, men etter kvart skya det til, utan at det gjorde noko. Følgte spora mine frå dagen før og kom lett opp på Salane, som har flott utsikt mot Tysdalsvatnet og kjente toppar i både Holta- og Jørpelandsheia. Eg hadde ikkje all verdens tid, så det blei med denne eine toppen før retur same veg. Flott nedrenn til Prammaleitet og så langt det gjekk på traktorvegen. Om lag 2 ¼ timar på tur. Eg vil anslå snømengda i terrenget til 30-50 cm, med ein del synlege steinar.

Frå enden av traktorvegen med tilbakeblikk mot Målandsdalen og bl.a. Øvre Tysdalsvatnet

Heilt andre forhold enn dagen før, her mot Prammafjellet frå enden av traktorvegen

Frå oppunder Salane med tilbakeblikk mot Prammafjellet og Husaheia med Målandsvatnet

På Salane med flott utsikt mot Reinaknuten og Rv. 13 ved Tysdalsvatnet

Frå Salane mot Målandsdalen, med bl.a. Middagsåsen og Størnafjellet til venstre

Mot Rv. 13 ved Tysdalsvatnet. På den andre sida dominerer Lauvåsen og Almåsen

Mot Krunefjell. Til høgre sjåast skogliene ved Liarvatnet

User comments

Comment title:

Characters left: 1000

Comment text:

You need to be logged in to write comments.