Arkiv - dato
Arkiv - aktivitet
- Fottur (415)
-
Kjøretur (1)
- Biltur (1)
-
Skitur (107)
- Fjellskitur (74)
- Langrennstur (19)
-
Sykkeltur (6)
- Blandet sykling (6)
"Peakbookvenner"
Lister jeg samler etter
-
Oslomarka ≥ 100m pf.
(46/49)
93% -
Seljord ≥ 100m pf.
(36/44)
81%
-
Kommunetopper tom. 2016
(300/404)
74%
-
Fylkestopper (Norge)
(8/11)
72%
-
Kragerø ≥ 100m pf.
(12/17)
70%
Favoritturer
Favorittopper
Flott start på ferien - Blåkollen
- Dato:
- 11.07.2021
- Turtype:
- Fjelltur
- Turlengde:
- 4:10t
- Distanse:
- 12,0km
Vi starta sommerferien i regn på laurdag, sykkelturen inn til Bjørnhollia blei våt, men det var berre 8 km, og deilig å kome fram til tomannsrom med eigen vedovn og treretters middag etter varm dusj. Vi starta å gå i nydeleg vær kl 0945, og gjekk t-merkt stig mot Eldåbu. Etter ca 4 km skar vi opp mot toppen og gjekk i lettgått terreng på lyng og mose til under toppen der det bleie ur det siste stykket. Rasta på toppen, men det blei litt vind og overskya akkurat da, så vi sat ikkje då lenge. Deilig og varmt på veg tilbake igjen. Kaffi, te og kake i solveggen før vi sykla ned til Gammelgarden/ Straumbu igjen. Bada i elva, kaldt men deilig! Tom var med. Totalt inkludert sykkelstrekka, 1117 hm, 28 km. Gåturen var 12 fine lettgåtte km og 705 hm, brukte 4 timar og 11 min inkludert >>>
Marigrønuten Seljord 100 m pf
- Dato:
- 03.07.2021
- Turtype:
- Fjelltur
- Turlengde:
- 5:50t
- Distanse:
- 17,5km
Må seie det med ein gong, dette var ein maksimal tur og heilt etter mitt hjarte. Tom og eg høyrde så langt vegen er open inn Heiåvegen til Slettevad. Derifrå gjekk vi vegen til Krakkset, vassa over elva, og følgde stigen til høgre for elva inn til brua. Vi gjekk over brua over nydelege gamle stølsområder og på tørr fin stig. Heldt vest for Kråketønn og Svatjønn og stoppa ved den flotte gamle stølen Svain. Tom fekk på seg gnagsårplaster og vi drakk litt. Så heldt vi fram på stigen svakt oppover til Steinstaulen, og derifrå bratt oppover mot Marigrønutan, eller som det står på eit lokalkart eg har, Marjitgrønutan. Det høyrest vel så truleg ut, gitt lokal personnamntradisjon. Vi prøvde å halde stigen som går på tvers av den vestre toppen, men den forsvann litt innimellom. >>>
Raskt til Rust
- Dato:
- 02.07.2021
- Turtype:
- Fjelltur
- Turlengde:
- 1:29t
- Distanse:
- 6,0km
Køyrde til Dammen etter hyttekontoret. Gjekk så fort eg orka frå Dammen til topps, 42 min og 49 sek er personleg rekord. Greier ikkje mykje fortare pr i dag.
Siste i Vest-Agder - nydeleg til Tomlingen
- Dato:
- 27.06.2021
- Turtype:
- Fjelltur
- Turlengde:
- 3:15t
- Distanse:
- 10,0km
Etter å ha vore turist med Tom på Lista om føremiddagen, sette eg han på bussen på Sirnes, medan eg køyrde opp til Sira og på vestsida av Sirdalsvatnet til parkeringslomma ved Gryteåne der det står skilt med Tomlingen. Til dette med namnet: det er opplagt rett med Tomlingen, ikkje Tomlongen, ein tomling er jo eit lite beger ned rund botn som står og vippar. (Sjå bilete.) Og det passar veldig bra på den store steinen på «vippen» på toppen.
Gjekk jamnt opp til Jødal, der eg stoppa og snakka med to karar som vurderte byggjeprosjekt etter at ei hytte hadde brunne ned på den øvre stølen. Derifrå var det effektive høgdemeter oppover! Flott utsikt, med vindmøllene på Tonstad som bakteppe mot aust. Etter at eg kom opp over tregrensa, var det lett å gå, men ein del opp og ned. >>>
To kjappe toppar i Vest-Agder
- Dato:
- 26.06.2021
- Turtype:
- Fjelltur
- Turlengde:
- 1:15t
- Distanse:
- 5,3km
Gårsdagens tur sat i beina, og etter litt sightseeing tidlegare på dagen, sette Tom meg av ved bomvegen merkt til Kaldåsknipa, og rigga seg til med avis for å vente på meg ved eit vatn litt lengre borte. Eg gjekk radig oppover, men beina var litt tunge, og eg brukte dryge 21 minutt opp til tårnet. Titta meg rundt i blankt vær og litt vind, skar over til sjølve toppunktet, tok fotobeviset, og gjekk vegen nedatt. Fann eit svakt tråkk oppover, og kryssa av toppen som var eit fint svaplatå med tre små røyser. Gjekk så nedatt der Tom venta. 1 time og 14 minutt, 5,28 km, 282 hm. Gjekk aleine.
Lang flott tur til Oddevassheia og Venehei
- Dato:
- 25.06.2021
- Turtype:
- Fjelltur
- Turlengde:
- 9:00t
- Distanse:
- 24,6km
Greidde å rydde plass til ei langhelg denne siste helga i juni, for no er det så langt til alle kommunar eg ikkje har dekt, at ei vanleg helg blir litt knapp for topprosjektet. Denne gongen var eg ute etter dei vestlegaste kommunane i Vest-Agder. Det er langt å køyre frå Oslo! Vi starta etter jobben og i trafikken på torsdag. Måtte stoppe hos gamle foreldre på Sathelle, og dermed var vi framme i Knaben kl 0100 natt til fredag. Vi kasta opp tomannsteltet på campingsplassen, det måtte gå fort, for heile plassen surra av knott. Og vel inne i teltet var taket svart av knott etter å ha hatt teltet det opent lenge nok til å krype inn. Ikkje anna å gjere enn å krype ned i soveposen og dra den over hovudet.
Vi køyrde opp til gruva morgonen etter for å få litt lufting rundt knottsvermen, >>>
Ny rekord til Rust
- Dato:
- 18.06.2021
- Turtype:
- Fjelltur
- Turlengde:
- 1:29t
- Distanse:
- 5,8km
Etter hyttekontor køyrde eg til Dammen og gjekk alt eg kunne til topps. Persa med 30 sekund. Har ikkje så mykje å gå på no, må betre forma ein del for å kome under 43 minutt, kjenner eg. 43.19 i dag. Omtrent det same nedatt. 1 time 29 minutt. 482 hm. 5,78 km. Gjekk aleine.
Kosetur til Furufjell
- Dato:
- 05.06.2021
- Turtype:
- Fjelltur
- Turlengde:
- 2:10t
- Distanse:
- 5,2km
Gjekk frå hytta til Furufjell. Nydeleg vær. Hyggjeleg turfølge. 5,2 km, 2 t 11 min. 339 hm. Tellef var med.
Personleg rekord til Rust
- Dato:
- 04.06.2021
- Turtype:
- Fjelltur
- Turlengde:
- 1:28t
- Distanse:
- 5,5km
Heimekontor på hytta. Etter jobb gjekk eg så raskt eg kunne frå Dammen til Rust. Greidde å perse med 3 minutt. Fin temperatur å gå i. Stadig betre vær. 23.56 opp, 1 time og 28 t/r. 489 hm. Gjekk aleine.
Rust i mai
- Dato:
- 29.05.2021
- Turtype:
- Fjelltur
- Turlengde:
- 2:02t
- Distanse:
- 5,7km
Så kom sommarveret til Østlandet og Langlim. Tom og eg køyrde til Valedammen og bestemte oss for å gå så fort vi kunne til topps. Vi brukte under 47 minutt, men kom ikkje under min rekord på 46.26 frå 2016. Så det får bli fleire forsøk framover sommaren. Drakk og spiste ein bolle i lyngen på toppen, før vi gjekk roleg nedatt. Stoppa og snakka med hyttenaboar på veg opp to gonger. 2 timar og 3 minutt. 5,67 km, 481 hm. Tom var med. Herleg tur!
