Vardhusheia, Husaheia og Prammafjellet frå Målandsdalen (02.08.2019)

Written by Kaare_70

Map

Ascents	Husaheia (745m)	02.08.2019
	Prammafjellet (713m)	02.08.2019
	Vardhusheia (761m)	02.08.2019

Flott tur opp til vakre Målandsheia frå Målandsdalen. Start frå Rv. 13 ved Boremyr og bratt opp traktorvegen på snaue 40 min. Så ein time over myrer og lynghei til topps på alltid like flotte Vardhusheia, med rundskue over den indre Jørpelandsheia. Såg bl.a. ein gråkledd hare i firsprang og ein del molte, endåtil nokre etande. Vidare ned til utløpet av Brogavatnet og bratt opp på Husaheia, der det vart ein matbit. Så over Prammafjellet og ned til Gamlestølstjødna, der eg følgte spor etter ATV og så ein grovare anleggsveg ned til traktorvegen att. Snaue 4 timar på tur i perlever, bare synd at eg glømte badebukse!

Tilbakeblikk mot Målandsvatnet og Prammafjellet

På veg mot Vardhusheia med tilbakeblikk mot Målandsheia

Mot Krøys med bl.a. Brogavassklubben, Venavatnet og Krøysaheia

På Vardhusheia med flott utsikt over den indre Jørpelandsheia, med Forenesvatnet, Holmavatnet og Liarvatnet. Av toppane er det Heiahodnet som dominerer

Ved stupkanten på Vardhusheia med utsikt mot Vardhustjødnane og Forenesvatnet

Mot Longavatnet. Av toppane dominerer Liaknuten nærast til høgre med Bratteliknuten og Godlifjellet bakanfor

Magasug på stupkanten mot Vardhustjødnane. Det er minimal vannstand og kanalen mellom tjødnane er godt synleg

Mot den søre Vardhustjødna og nordenden av Longavatnet. Bakanfor ser me Holmavatnet og bl.a. Naganibba og Heiahodnet

Ved utløpet av Brogavatnet med Brogavassklubben sentralt

På Husaheia med Reinaknuten dominerande bak Krunefjell

Frå Husaheia mot Krokavatnet, med Svarefjellstjødna og Larsgardtjødna

På Prammafjellet med utsikt mot Reinaknuten og brekket mot Tysdalsvatnet. Dei næraste toppane er Krunefjell og Salane

Mot Gamlestølstjødna med ny hytte til høgre

User comments

Comment title:

Characters left: 1000

Comment text:

You need to be logged in to write comments.