Fyrste tur i Engjadalen for min del. Bomveg siste delen, og Gjetarhaugen parkering om lag 1 km frå DNT-hytta Navarsete. Traktorveg dit. Vidare på DNT-sti mot den fine stølen Heggedalen. Bratt opp ved fossen til Heggedalsvatnet, som framleis var heilt islagt. Brui over osen hadde kolapsa (for nokre år sidan?). Måtte halde seg i den, og gå på steinar i elvi. Gjennom-blaut på føtene. Rett opp flanken mot Vorfjellet. Kun ei par korte og greie snøfelt, men bratt fyrste del. Flott utsikt mot Asbjørnnosi og Såta/Hest. Vel nede att, vurderte eg Grånosi. Opp Jørund-skorane var det mest snø, og det såg blautt ut der det var fritt. Eg prøvde meg rundt, men var i tvil. Då kom til fjellfoten, såg det snøheilt ut mot toppen. Om eg kanskje hadde kara meg bort på ryggen, så var det gjerne noko betre. Men føtene var kalde etter dupping i vatn, og baksing i snø. Valde å avbryte Grånosi. Halvtimen bort til osen av Heggedalsvatnet. Så var det berre å nyte natur og stølar på vegen nedatt til bilen.
Kommentarer