Vi kom til Dørålseter ca 1330 etter å ha kjøyrt frå Lote på morgonkvisten. Planen var toppar i Rondane >1800m >100 m pf. Dørålseter virka som eit spennande utgangspunkt for turar, trass lange anmarsjar. Dette er ikkje noko for vestlendingar som er vant til at det går rett opp frå fjorden. Dag 1, plan Stygghøin. Lavt skydekke nedpå toppane men ikkje nedbør. Gjekk frå Dørålseter mot Dørålsglupen, tok av stien og gjekk mot pkt 1584 og vidare til Småhaugan. Skilt på toppen seier at denne heiter Stygghøin. Frå ca 1600 moh surna det til og det vart både regn og ein helsikes vind på toppane. Gjekk på GPS. Frå topp 1853 rett austover mot Skagsnebbtjønne. Fann nokre snøfelt her som vi sjølvsagt nytta. Lett retur på sti frå vatnet til Dørålseter. Ein sur start på turneen. Berre å komme seg i teltet og mekke middag/lese krim.
Kommentarer