Kvernes stavkirke (10.06.2015)

Solo/slektstur på Nordmøre der jeg blant annet besøkte Kvernes stavkirke.

© Knut S. Andersen

© Knut S. Andersen

Fra kulturminnesok.no Kvernes stavkirke:

"Kvernes stavkyrkje er ei av landets yngste stavkyrkjer og vart truleg bygd omkring år 1300. Kyrkja er ei langkyrkje av «møretypen», som pregast av ein særeigen type konstruksjon karakterisert av lange veggar med fleire stavar. Kvernes har i likskap med Rødven stavkyrkje utvendige skråstøtter, skorder, som støttar opp langveggane til kyrkja. Berre skipet er att av den opphavlege kyrkja. Kyrkjerommet er heilt ut prega av 1600-talet og er så godt som utan moderniseringar frå det 20. århundre. I 1633 ble det gamle koret i stavkonstruksjon rive og eit nytt oppført i tømmer i skipets breidde, samstundes vart det bygd til eit dåpsrom i vest, for det meste med material frå det gamle koret. Før 1689 vart det bygd til eit sakristi i tømmer. Våpenhuset til koret vart reist i 1661-63. I 1648 vart takryttaren over den vestre delen av skipet fornya, og det same skjedde i 1810. Hovudskipet er 16x7,5 m, det tilbygde tømmerkoret 7x7,5 m. Skipet har inngangar i vest og sør, koret i sør. Mellom skip og kor står eit korskilje med tralverk på begge sider av ein inngang der det tidlegare sto dører. Stavkyrkja vart selt til Fortidsminneforeningen i 1894. (Kjelde: Anker, Leif: De norske stavkirkene, Oslo 2005)"