Fin ettermiddagstur med Marita. Hovedmålet var Ulvisnubben. Det er merka rute frå Galdestølen. Sjølve toppen er flat, men 100 meter forbi er ein på kanten, og ser ned til Borlo og hovud-dalføret Lærdal. Utsikta er fantastisk herifrå. Halvanna time i tur-tempo tek det å gå ut hit. Etter ein pause med skjeve, bestemte vi oss for å ta rund-tur, og gå over Eikeshorn. Det var svært fint å gå vidare her. Veldig grøderikt, ope landskap og med god utsikt rundtomkring. Eikeshorn må bestigast frå baksida, sidan den har loddrett fjellvegg mot sør. Det var lett å finne ei fin rute opp. Hadde utsikt mot Bleia, til Smeddalsvatn, Berdalseken og Jotunheimen. Sva og steinblokker på toppen, men også gras innimellom vidare austover. Fint oppå her, og ein topp som nok får lite besøk. Ein registrering på Peakbook før oss to. Toppen har pmf. på 85 meter, og misser nok litt interesse av den årsak. Det er ein veldig fin og markert fjelltop i alle fall. Vi tok det roleg i dag. Halvanna time frå Ulvisnubben til Eikeshorn. Nedatt fann vi grei rute. Må gå ut toppen, og litt til venstre. Kjem då ned eit skar, og nedatt ein gras-botn vidare. Det er veldig myrlendt når terrenget flatar ut, så vi valde å runda til høgre. Også lettare å krysse elva der enn på flata, vil eg tru. Myrelv kan vere både djup og seig. Gikk fint å velge rute forbi vier også. Sikta oss inn på stien aust for elva nedatt til vegen. Halvanna time på siste etappe og. Marita sleit stort med eit kne siste etappa. Finfin tur i dag i nydeleg ver.
Kommentarer