Tur med pappa, Johannes og Kristine.
Vi parkerte på Roasetra, og derifrå følgde vi bra skispor opp til Ongsjøfjellet. Det var tydeleg at Ongsjøfjellet er ein populær tur både for rando og fjellski frå Roasetra. Ikkje så rart, då det er ein kort og fin tur med ein fin nedkøyring frå toppen.
Det var pent vêr, men litt sur vind. Vidare gjekk vi over dei nordre toppane på Ongsjøfjellet til Leppskardet. Her var det ingen andre som hadde gått i det siste, men det var lett å fin snø og brøyte i. I ei bratt kneik ned mot Leppskardet bar vi skiane.
Opp til Leppfjellet tok vi ei god rast i sola. Oppe på toppen splitta vi lag mot Lepphytta. Pappa og Johannes gjekk vidare over sørtoppen, medan Kristine og eg gjekk litt attende og følgde bekken mot Leppvatnet. Ny rast på Lepphytta. Attende til bilen gjekk vi rundt Ongsjøfjellet.
Flott tur.
Kommentarer