Møysalen (12.07.2019)
Skrevet av Hansi (Hans Thorvald Nygaard)
| Turlengde | 10t 33min |
|---|---|
| Distanse | 21,9km |
| Høydemeter | 1789m |
| GPS |
|
| Bestigninger | Møysalen (1263moh) | 12.07.2019 16:31 |
|---|---|---|
| Sørvest for Forselvtinden (565moh) | 12.07.2019 20:48 | |
| Andre besøkte PBE'er | Ingelsfjorden parkering (20moh) | 12.07.2019 11:57 |
Møysalen er eit av dei fjella Kristine og eg har hatt mest lyst på medan vi har budd i Nord-Norge, no var dagen her. Vi køyrde frå Lødingen i elleve-tida i skya og grått vêr. Ved Ingelsfjorden parkering hadde vêret betra seg, og vi pakka tursekkane våre. Alt snøutstyr la vi att i bilen etter å ha høyrd med Peakbook-brukar Hawkeye om naudsynet av det, som hadde vore der nokre dagar før oss.
Vi viste det var ein lang tur, men var usikre på korleis terrenget innover var. Den fyste biten att med Storvatnet var litt kjedeleg, men innover Forkedalen var det frodig og utruleg flott. Skikkeleg fint å gå innover der, det var også godt tilrettelagt med klopper, og råket var veldig bra og godt merka.
Like før breen nådde vi att eit eldre, utanlandsk par, som må ha snudd like etterpå. Dei virka misfornøgde med den store snømengda innover. Det var noko snø i mellom vatnet på 390moh og ned til vatnet 328moh. Også over bekkedalen nedunder vatn 591moh var det mykje snø, og oppover mot breen. Men snøen var fin å gå i for godt skodde og turvande folk.
Vi gjekk snøen på oversida av breen, før vi gjekk ryggen oppover mot Møysalen. På ryggen møtte vi tre karer, ein nordmann og to utlendingar, vi hadde ein hyggeleg prat med dei, før vi gjekk til toppen. Dei siste 100 høgdemetrane var det igjen snø, men han var mjuk og fin å gå på.
Oppe på toppen var det heilt vindstille, og sola strålte. Det var riktig varmt og godt, så vi vart sittande der i over to timer. Utsikta var heilt upåklageleg. Mot vest låg havskodda tett, så berre dei høgaste toppane kom over skyene. Mot aust var det ikkje skodde, så der såg vi meir. Medan det satt på toppen, kom det ein kar til opp, så vi hadde ein lang og hyggeleg samtale med han, før han gjekk i vegen ned att.
På veg attende til bilen vart vi einige om å ta med den litt anonyme Sørvest for Forselvtinden. Det var ein grei topp å gå oppom. Fin utsikt frå toppen, og vi fekk bygd ein liten varde.
Like etter vi passerte vatn 390moh møtte vi sju svenske karer som skulle på telttur, og lette etter eit vatn og overnatte ved.
Ein kolossalt flott tur til ein flott topp!
Kommentarer
Tittel mangler
Skrevet av Hansi 03.08.2019 12:22Takk for det! Vi har hatt utroleg mange flotte turar i nord det siste året, dette er nok den aller finaste.
Om GPS-sporane og turskildringane våre er til nytte for andre, så er det veldig kjekt!
Flott rapport og nydelige ..
Skrevet av knutsverre 03.08.2019 12:02bilder! Gratulerer med flott bestigning av Møysalen! Dere har hatt noe fantastisk flotte turer her oppe i det siste med gode beskrivelser og GPS spor som er til god nytte for oss andre!