Lofottur dag 5: Værøya (18.05.2019)
Skrevet av Hansi (Hans Thorvald Nygaard)
Bestigninger | Nordlandsnupen (450moh) | 18.05.2019 14:39 |
---|---|---|
Breiviknupen (432moh) | 18.05.2019 14:52 | |
Gjerdheia (379moh) | 18.05.2019 15:46 | |
Øst for Hornet (253moh) | 18.05.2019 16:21 | |
Hornet (346moh) | 18.05.2019 18:56 | |
Håen (438moh) | 18.05.2019 19:42 | |
Andre besøkte PBE'er | Gångskaret parkering (46moh) | 18.05.2019 13:26 |
Håen p-plass (20moh) | 18.05.2019 20:33 |
Værøya
Gångskaret
Som vanleg så langt i Lofotferien vår starta dagen med dårleg vêr. Det var overskya og ein del vind. Vi åt frukost i teltet, før vi pakka samen og gjekk til fergekaia. Frå Røstlandet tok vi ferga til Værøya. Frå ferga gjekk vi til butikken i sentrum, der vi handla litt mat, åt niste og kjøpte is, før vi gjekk opp Gångskaret. Der satt vi opp teltet før vi gjekk i vegen på tur.
Nordlandsnupen og Gjerdheia
Vi gjekk fyst ned til den flotte stranda på Alvneset, før vi følgde godt råk opp til Nordlandsnupen, kommunetoppen i Værøy. Videre i litt mindre tydeleg råk til Gjerdheia. Derifrå i betre råk til nedunder Hornet. Vi hadde eigentleg snakka om å gå på Hornet og Håen fyst, men skifta meining og forsøkte å ta Måhornet fyst.
Forsøk på Måhornet
Vi gjekk ned det bratte råket til Skiphalsen, og gjekk utover mot Måstad. Råket var ikkje så bra som vi hadde sett for oss, og det var ganske kupert. Det var også lengre enn vi trudde og vi hadde lite vatn med oss. Difor fann vi ut at det vart for langt denne gongen å ta med Måhornet og Måstadheia, så vi snudde.
Hornet og Håen
Vi gjekk opp att det bratte råket frå Skiphalsen og opp på Hornet. Derifrå gjekk vi til Håen. Der var det ein infoplakat der det sto teikna inn eit råk ned i frå Håen til Eidet. Hadde vi gått direkte til Hornet og Håen frå Gjerdheia så hadde vi kanskje komme på dei to ytste toppane og. På vegen tilbake til teltet vart det ein stopp innom kiosken for å handle brus.
Ei fantastisk flott øy
Det vart likevel ein kolossalt flott tur på ein flott øy. At vi manglar Måhornet og Måstadheia er eigentleg berre ein god grunn til å vitje øya på ny ved ein seinare anledning.
Kommentarer