Skjerdingfjelltraversen (28.07.2018)
Skrevet av aarvag (Steinar Aarvåg)
| Turlengde | 7t 31min |
|---|---|
| Distanse | 13,3km |
| Høydemeter | 1349m |
| GPS |
|
| Bestigninger | Skjerdingen (1519moh) | 28.07.2018 |
|---|---|---|
| Skjerdingen N1 (1466moh) | 28.07.2018 | |
| Skjerdingen N2 (1467moh) | 28.07.2018 | |
| Skjerdingen N3 (1450moh) | 28.07.2018 | |
| Skjerdingen N4 (1430moh) | 28.07.2018 | |
| Skjerdingfjellet (1465moh) | 28.07.2018 |
Vi bruka fredagskvelden på å tusle oppover lia for å slå leir i godveret. Plana for morgondagen var å gå Skjerdingfjellet frå nord til sør, og helst rekke oss nedatt før det varsla toreveret slo til. Det skulle vise seg at ein tidleg start frå midt oppe i lia dagen etter var akkurat det som skulle til for å lykkast med den plana.
Laurdagsmorgonen starta litt gråare enn vi hadde håpa, men det var eigentleg berre greitt at sola heldt seg unna medan vi gjorde unna ein litt tung etappe opp til nordenden av dagens rekke på drøye tjue toppar, om ein reknar med stort og smått. Herifrå fekk vi både meir sol og meir inspirerande terreng - rett og slett stor moro på vegen sørover.
På veg nedatt via Bjøråsskaret forstod vi at det ville bli touch and go på det omtala toreveret. Vi fekk raska saman teltet før det blåste bort, og sette fart med storsekken ned lia mot bilen. Eit par regndropar var det vi rakk å få med oss, før vi fekk oppleve ein skikkeleg "eling" i bilen på veg heim.
Kommentarer