Klubbafjellet og Langafjellet

Dato:

02.04.2022

Turtype:

Fjellskitur

Turlengde:

9:30t

© Kolbjørn Tjessem Gjekk opp til hoveddammen til Lyngsvatnet og via Tjørnastølfjellet til Klubbafjellets to topper. Så bortom Klubbane og ned i Lyngsdalen og opp til Langafjellet. Her står ein flott varde på trigpunktet, men høgaste punkt viser seg å vere ca 200 m lenger nordaust. Så ned til Meinstjørna og over fleire sekundærtopper i dette området. Vidare bort til Rausdalsfjellet som har flott varde. Siste topp blei Middagsknuten der eg måtte bratt ned i Nystølskardet til fots. Isøks var veldig godt å ha med nedover i den nordvendte skråninga med hard snø. Mjuk snø i den sørvendte skråninga opp til Middagsknuten. Retur tilbake via Rausdalsfjellet og rant ned sørover i Lyngsdalen og ut på det regulerte og sterkt nedtappa Lyngsvatnet. Gjekk i land ved hoveddammen i vestenden og så ned til >>>

Krøysaheia og nabotopper

Dato:

01.04.2022

Turtype:

Fjellskitur

Turlengde:

9:15t

© Kolbjørn Tjessem Var først oppom Jamnarheia, og så ned på Sandvatnet til sørvestenden ved Pramstød. Vidare vestover litt opp og ned til Krokavatnet og så opp den bratte nordaustsida av Krøysaknuten der eg bar skia på hard snø. Vidare til Lågahei som har stor flott varde, og så ned over Krokavatnet opp til 682-toppen, Tjørnadalsheia, Svarefjelelt, Tindafjellet og Nordnesknuten. Til sistnevnte gjekk eg opp og ned til fots via søraustryggen. Retur via Sandvatnet tilbake til utgangspunktet.

Urddalsknuten

Dato:

31.03.2022

Turtype:

Fjellskitur

Turlengde:

9:30t

© Kolbjørn Tjessem Parkerte litt nedanfor innkjørselen til Lyngsvatnet. Ikkje brøyta opp til demningen, men snøskuterspor. Gjekk over Lyngsvatnet til litt forbi Lyngsneset. Derfrå opp den bratte sørsida til Skurveheia som hadde soltint snø. Hard snø ellers. Vidare austover til Horten. Så ned til Middagstjørna og vestover i sørsida av Urddalsknuten. Satte frå meg ski og gjekk opp til fots i passelig hard snø. Så ned igjen til Lyngsvatnet ved Ruveneset og tilbake til hoveddammen.

Høgeknubben

Dato:

10.11.2020

Oddaheia

Dato:

11.10.2020

Turtype:

Fjelltur

Turlengde:

12:00t

© Kolbjørn Tjessem For tida åpen veg med god standard frå Lysebotn til Nilsebudammen. Fulgte T-sti skilta mot Grasdalen langs vestsida av Nilsebuvatnet og Storhillervatnet og vidare nordover. Stien langs Storhillervatnet er nymerka og ennå lite synlig i terrenget. Ellers god sti. Sør for Brokadalstjørna gjer stien ein sving vestover, og der forlot eg stien og fortsatte rett fram langs høgspenttraseen på austsida av Brokadalstjørna. Runda tjørna i nordenden og gjekk over dei namnlause toppane mellom Brokadalstjørna og Futevatnet. Denne 910-toppen (913 på dei fleste kart) var tidligare usikker, men nye detaljkart med 1 m-koter i 2020 viser at den er pf 100. Vidare austover til tjern 881, langs vestida av dette og så over til austsida av tjern 855. Her var det bratte og skumle svaberg med utsatt klyving, >>>

Iglandsklubbafjellet

Dato:

28.03.2020

Turtype:

Fjellskitur

Bukkatofjellet og nabotopper

Dato:

06.10.2019

Turtype:

Fjelltur

Turlengde:

9:15t

© Kolbjørn Tjessem Fulgte T-stien mot Stakken nordover til Storhillervatnet der eg gjekk ut i terrenget og over ei bru over utløpsånå og så opp vestryggen over fleire namnlause topper til Bukkatofjellet. Flott utsikt i alle retninger. Gjekk så nord- og vestover over 1070 og 1008 til Oddaheia 1011. Så ryggen sørvestover over 987 til Borgåsen. Ned søraustryggen og så inn på T-stien tilbake til Nilsebudammen. Sidan dette var sundag var det ingen helikoptertrafikk i fbm bygging av ny høgspentlinje mellom Lysebotn og Førrebotn. Det er støypt nye mastefundamenter parallellt med den gamle linja som etter det eg forstår skal rives. Turer med same utgangspunkt til Kråkehorten dagen før, og til Heiafjellet og Storekleggen dagen etter.

Kråkehorten

Dato:

05.10.2019

Turtype:

Fjelltur

Turlengde:

5:00t

© Kolbjørn Tjessem Fulgte stien mot Stakken eit lite stykke og gjekk så ut i terrenget vestover over den namnlause 880-toppen og vidare opp på Langåsen. Så sørover på lettgått snaufjell til Kråkehorten. Skal ifølge kartet vere trigpunkt på toppen, men såg hverken jernbolt eller trerester, men det er ein halvstor varde. Gjekk ned austover over 919 og 854 og langs sørsida av utløpsånå frå Tjørnastølstjørna. Kom då ned til eit anleggsområde/ lagerplass i nordenden av Breiavatnet. Så på veg siste korte stykket tilbake til Nilsebudammen. Tur til Bukkatofjellet og nabotopper dagen etter. Det bygges i perioden 2018-2021 ny 420 kV høgspentlinje mellom Lysebotn og Sauda så det er derfor anleggstrafikk med bl.a betongbiler på vegen mellom Lysebotn og Nilsebudammen. Helikopter brukes for å frakte betong ut i felten til støyping >>>

Stutaryggen og Høyversknuten

Dato:

01.03.2019

Turtype:

Fjelltur

Turlengde:

10:15t

© Kolbjørn Tjessem Fulgte T-merka rute mot Trodla-Tysdal. Det er grusveg av litt ymse standard dei første 2 km så eg sykla på. Vidare på tydelig sti opp gjennom skogen til toppen av skaret mellom Kløv og Helgaland. Litt ned på sørsida er det stidele og eg fulgte umerka men god sti austover mot Djupadal. Frå brua over ånå gjekk eg opp den nordvendte fjellsida til det store platået på Himraheia. Lite snø etter ein uvanlig varm februar, men frost siste døgn så snøen var fast og fin å gå på til fots. Gjekk austover Stutaryggen til toppen på ca 862 m. Kartet har oppført høyde på 856 m på trigpunkt. Sjølve toppen ligger snaut 100 m lenger vest og har 860-kote på kartet. Detaljkart oppgjer namnet Nordstjerneknuten, men har ingen oppgitt høyde. Anslår toppen til å vere minst 6 m høgare enn >>>

Iglandsklubbafjellet

Dato:

28.02.2019

Turtype:

Fottur

© Kolbjørn Tjessem Gjekk over Litla Sandvatnet og opp den bratte austryggen ved Klubben. Dette er ikkje enklaste rute opp for det er litt klyving i bratt svaberg. Lite snø igjen etter ein uvanlig varm februar, men litt frost i nått så det var gode fotturforhold på fast snø. Gjekk ned nordover og ut på vestre del av Lyngsvatnet og i land i ved damningen i vestenden. Midtre del har ikkje islagt seg heilt i vinter slik det pleier. Vegen opp til demningen var snøfri bortsett frå ein plass nedanfor messa. Stor kontrast til fjoråret då Songesandvegen var stengt i februar pga mykje snø.