Arkiv - dato
Arkiv - aktivitet
- Fottur (1)
"Peakbookvenner"
Favoritturer
Favorittopper
Holyhead Mountain, Wales, 220 moh
- Dato:
- 03.08.2019
Roadtrip til Holy Island, Wales. Vi køyrde på delvis smale vegar (og venstrekøyring...) til fyrhuset ved kysten der. I området var det fine stiar å vandre på, så då gjorde vi no sjølvsagt det! Vi måtte så klart oppom høgaste toppen, og den viste seg å vere ein 100-meterstopp: Holyhead Mountain. Mykje lilla lyng med klattar av gule blomster innimellom.
Rausetst. - Steinsvorn. - Berd.egga - Ry.st, Gloppen, 1229m
- Dato:
- 24.07.2019
Lang og varm tur på Sørstranda i Gloppen med mamsa. Vi parkerte nedanfor Rausetstøylen og gjekk stien opp til Støylen. Vidare fann vi ein tydeleg sti, og gjekk oppover/utover til elva. Så følgde vi elva opp til nokre små vatn og fortsette opp på Steinsvornykane. Derifra såg vi innover Hyefjorden. Turen gjekk vidare innover høgda, og dette var ein god del lenger enn vi trudde... Men til slutt kom vi no til Berdalsegga (og kalla Morafta, sjølv om dette på kartet er noko lenger ope…) Tydeleg sti ned til Ryggjastøylen.
Då hadde vi fullført 3 T-turar på same runda, og hadde eigentleg planar om å gå sti tvers over og tilbake til Rausetstøylen, men på grunn av tida og varmen (!) var dette lite freistande.. Vi fekk difor haik med kjendfolk tilbake til bilen :)
Holvikfossen - Utsikten, Trivselsskogen Gloppen, 370 moh
- Dato:
- 17.07.2019
Opning av Fosseteateret over Holvikfossen i Trivselsskogen. Nydeleg ver, fin turog mykje folk. Guida tur frå sentrum og opning av Fosseteateret ved Oddbjørn Hjelmeset. Vi gjekk bort til Utsikten og ned til Draumekvila/dagsturhytta, Kjærleiksskogen og ned att til sentrum. Med mamsa og Torhild S.
Kyrkjefjellet, Volda, 1482 moh
- Dato:
- 16.07.2019
T-tur med Sunniva H. Vi var omsider opp med tang og bok, sidan det vart forsøkt i april (då var varden og boksen frosen...) Vi merka og på vegen... Vi parkerte ved Grøndalssætra og følgde stien opp til Fanteskrålvatnet og vidare opp på venstre side av vatnet, opp stien der. Det var ikkje vanskeleg å finne stien, men vardane gjekk litt i eitt med bakgrunnen, så difor merka vi dei med raud prikk og. Nydeleg dag og fin tur :)
Ryssdalshornet Nord, Gloppen, 1160 moh
- Dato:
- 10.07.2019
T-tur med mamsa, opp og ned frå Ryssdal. Bratt skogsveg, særleg ned att...
Mjølfjellet Nordvest og Mjølfjellet1470, Voss, 1470 moh
- Dato:
- 27.06.2019
Vi parkerte ved Kårdal og kryssa brua. Der hadde vi fått beskjed om å gå rett opp, så det gjorde vi. Der fann vi ingen sti i starten, men fann den på veg ned att... Etter kvart hadde vi både sti og merking, og kartet til Peakbook fungerte og godt som hjelp. Stien forsvann etter kvart, og då peila vi oss inn på ein varde i himmelsjå. Derifrå såg vi toppen på Mjølfjellet Nordvest. Mellom dei to Mjølfjella var der nokre vardar her og der. Same veg ned att.
Fagerdalsvatnet, Mjølfjell, Voss, 1106 moh
- Dato:
- 26.06.2019
Vi parkerte ved Mjølfjell ungdomsherberge og gjekk på skogsveg opp til Slondalsvatnet, deretter på sti til Slondalsstølane. Vi fortsette opp stien til Fagerdalsvatnet, same veg ned att. Første delen gjekk vi på Rallarvegen...
Borgarbuvatnet,Mjølfjell, Voss 995 moh
- Dato:
- 24.06.2019
Hyttetur med Svanhild og Siri (pluss Anton og Mira), Mjølfjell, like nedanfor stasjonen. Vi køyrde innover dalen og parkerte ved starten av Ljossanddalen. Derifrå var det finsti innover og oppover dalen, til Borgarbuvatnet. Same veg ned att første delen, men vi kryssa brua og tok vegen ned att på andre sida av elva (Hellestøl).
Naustdalskammen, Eid, 493 moh
- Dato:
- 19.06.2019
T-tur og fellestur med INT. Vi parkerte og gjekk opp og ned frå Remmedalen. Eg var guide på turen. Flesteparten var frå Stryn kommune (INT), men og nokre frå Eid.
