Varm tur til Ramåsmyrnuten

Dato:

21.07.2014

Turtype:

Fjelltur

Fin tur frå hytta i dag. Helge og eg gjekk frå Stubbåi til Busanden til Ramåsmyran og Myklevatn. Der bada eg og rasta vi. Så opp i nutane og heilt bort til Ramåsmyrnuten. Følgde ryggen ut til Skomestauljuvet. Ned til Skomestauljuvet opp til Fjåbekk og nedatt til Busanden og bort til Bruhylen der bilen stod. Vi var borte i 5-6 timar. Hunden på snart 10 år la seg ned fleire gonger mot slutten og ville ikkje meir. Helge hadde vondt kne og eg har jo denne hælen, så mot slutten var vi alle litt lei. Men turen var super på alle vis, og ikkje minst smakte det lange badet i tjønna i 20 grader godt då vi var vel framme på hytta. Helge og Uncas var med.

Ettermiddagstur til Furufjell og start på hytteferien

Dato:

19.07.2014

Mellom to ferger

Dato:

17.07.2014

Turtype:

Fottur

Kom med ferga frå Judaberg til Eidssund. Køyrde så til fergeleiet i Skipavik. Ikkje rare greiene, og to timar til neste båt. Mamma gjekk difor med på å køyre til Seltveit og vente i bilen medan eg gjekk til topps. Ho ville ta seg ein lur sa ho. Så eg fann greitt skiltet med Bandåsen etter å ha tatt skogsvegen frå tunet. Gjekk raskt opp på 25 minutt. Bok og selfie og litt beundring av fabelaktig flott rundsyn, og så nedatt på 20 minutt. Ikkje så mykje å tene på nedoverbakke, for stigen var jamnt bratt, og steinane var glatte etter regn i føremiddag. Rein bonustur. Mamma hadde sove heile tida.

Tur to og tre i Rogaland var minneverdige

Dato:

16.07.2014

Turtype:

Fottur

Super dag i Rogaland. Dagen starta med Utstein kloster som var ei stor oppleving. På tide å få med seg dette kulturminnet. Mor på 82 var motivert for ein liten topptur, så vi køyrde over til Rennesøy, følgde vegen til Dale og så opp til Sel. Nydeleg lyngheilandskap og svært godt merkt stig. Senior stoppa på siste platå før toppen, medan eg for fram og tilbake på 15 minutt eller så. Herleg utsikt! Kulturlandskapet er verna, og det er vel fortent, for det er verkeleg heilt spesielt. Ettermiddagen tenkte vi å bruke på båttur til Kvitsøy. Framme ved fergeleiet oppdaga vi at vi hadde 50 minutt på oss. Mora mi måpte då eg valde å bruke den tida på å finne Randabergs høgaste. Rota ein del utan ordentleg kart, men køyrde til slutt opp til ein gard som såg ut til å ligge >>>

Tur til Furufjell

Dato:

05.07.2014

På veg frå Sandefjord til Oslo

Dato:

30.06.2014

Turtype:

Fottur

© Kristin Bakken På veg frå legetime (akilles!) i Sandefjord køyrde eg indre veg, for eg hadde sett meg ut den stuttaste turen av dei to eg manglar i Vestfold. Tok Damtjernvegen frå riksveg 312 mot Hof. Skulle altså ta toppen frå nord. Fann bomveg, og gjekk så raskt eg kunne oppover vegen. Fann etter kvart to skilt der det stod "Snipen". Skar oppover på gamle (gruve?)vegar, og følgde etter kart ein rygg oppover. Slumpa borti ein oransjemerkt stig, og prøvde først å leite etter toppen på nordenden av den venstre av dei to åsane. Blei sett ut då eg kom inn på ein ganske brei veletablert skogsveg, ingenting som stemte med den på kartet. Rota litt rundt for å få terreng og kart til å stemme, men det gjekk ikkje, så til slutt bestemte eg meg for å følgje denne vegen så høgt opp >>>

Grip først, så Freikollen

Dato:

26.06.2014

Turtype:

Fjelltur

© Kristin Bakken Super dag, solskin, ikkje for mykje vind, men temperaturen var vel ikkje noko å skryte av. Vi tok først båttur til Grip. Endå flottare enn eg hadde sett for meg. Ingen toppar, men ei kyrkje til å få tårer i auga av. Etter å ha sjekka inn på hotell i Kristiansund, tok tre av oss av stad til Frei. Freikollen blei unnagjort på to timar inkludert pause på toppen. Vi gjekk frå Freiåsen, to av oss gjekk rett fram og forbi det vesle vatnet og kom opp frå havsida. Den tredje gjekk raskaste og bratteste vegen opp. Fungerte også fint. Vi gjekk saman ned raskaste vegen. Der opp målte ein annan turgåar temperaturen til 6 grader. Men sol, vind og vidt utsyn til alle kantar. Mange spreke folk med joggesko og med eller utan stavar gjekk raskt opp og ned. I boka på toppen såg vi at dette >>>

Draumetur på Otrøya

Dato:

25.06.2014

Turtype:

Fjelltur

© Kristin Bakken Tok ferga over til Otrøya frå Molde, køyrde først til Midsund for å handle nistemat, deretter tilbake til sør-Heggdal der vi tok av ved skiltet der det stod Oppstadhornet. Godt merkt stig, nydeleg landskap og meir og meir sol. Stoppa litt oppe ved setervollen der det framleis står ei bu. Fabelaktig utsyn. Eg var imponert over den gamle fine furuskogen, ein urskog rett og slett med gamle kronglefuruer, rotvelter og kvite ståande daude furustomnar. Vi følgde raude og kvite plastband og eit "stikk ut"-skilt opp til den tørre og fine ryggen mellom dei to vatna. Opp gjekk vi heilt opp på riset før vi svingte til høgre og rett opp den bratte lia. Ned følgde vi fjellkanten og fann grei stig litt lengre vest. Toppen var heilt fantastisk! Grønn grasbakke med blomar og strå >>>

Harøyburet i sol og vind

Dato:

24.06.2014

Turtype:

Blandet sykling

Turlengde:

2:30t

Distanse:

24,0km

© Kristin Bakken Flott solskinsdag med litt vind blei brukt på øyane utafor Molde. Tok ferga over til Aukra, sette frå oss bilane ved Småge og drog med syklar vidare utover. Hamna først på Ona der vi var turistar ein time, så vidare til Finnøy der vi gjekk av og hadde 3,5 time til båten gjekk att. Den tida brukte vi på å sykle sørover over Finnøy og dinest heile Harøya ned til Myklebust. Åt utafor butikken før vi sykla tilbake og tok av opp til fotballbana i Urvedalen, der vi gjekk raskt opp til toppen. Sol, vind, flott rundskue, myrull og sommarblomar. Så sykla vi nordover att. Inspiserte den gamle riksgrensa mot Sverige (!), så kolliderte Anne og eg, og eg hamna i grøfta, men heldigvis gjekk det heilt fint, skeivt styre og skeivt bakhjul var resultatet. Fin pause på Finnøy havstuer før >>>

Andre tur i Møre og Romsdal

Dato:

23.06.2014

Turtype:

Fjelltur

Turlengde:

6:17t

Distanse:

9,0km

© Kristin Bakken Andre dag i Molde, og då blei det kommunetoppen. Ikkje veldig varmt og skiftande skydekke, men opplett. Køyrde mot Kleiva og tok av ved Kortgarden opp til Nakken, og så bomveg (20 kr) til der stigen til Skåla starta. Skodda hang nede ved Trollvatnet då vi starta på turen, men den steig oppover ettersom vi gjekk. Vatnet ligg på 502 meter, og det låg blikkstille då vi kom opp, med grønt gjennomsiktig vatn. Vi tok stigen til høgre og det er ein dryg tur, tidvis så bratt at ein må bruke hendene, ganske luftig der ein kjem nær kanten, og i vårt tilfelle gjekk vi inn i skodde og snø på ca 1050 meter. Skodda låg tett på toppen og nysnø frå i går dekte topplatået. Eg er ergerleg for at eg heng bak, dårlegare kondisjon og dårleg fot, kondisjonen heng litt saman med foten, eg >>>