Menes-traversen

Dato:

07.07.2018

Turtype:

Fjelltur

Turlengde:

12:30t

Distanse:

24,9km

© Tor K. G. Så var det 5-årsjubileum for karane på tur. Det heila starta, i kjend stil, med ein tragisk krangel om mat. Arnold lagde eit lurveleven utan sidestykke då han fekk vite at det kun var tørrfor av laks att til han. Det enda med at han gjekk svolten heile turen. Etter avgong med to bilar kl. 07.05 frå Balestrand, ein halvtime bak skjemaet, sette vi frå oss ein bil i Vetlefjorden og den andre bilen på Menes. Her var det ok med parkeringar begge stadar, men vi skulle sjølvsagt ha køyrd bilen i Vetlefjorden lenger opp skogsvegen mot fjellet. Det skulle vi angra seinare. Det var eg, tosken, som skal ta på meg skulda for det. Frå Menes følgde vi god sti oppover. Det var likevel klamt og varmt, til tross for at Arnold hadde bedyra at det maks ville verte ca. 8 grader på fjellet. Dette viste >>>

Fuglesteg, Fortun

Dato:

24.06.2018

Turtype:

Fjelltur

© Tor K. G. Tur til Fuglesteg i yrever med hannhund i banj`og unge i meis. Lett å finne parkeringsplass og finne fram. Ganske bratt oppover grusvegen, men ikkje verre enn at til og med personar med gåstol kan kome seg fram. Elles var det ein fin plass med glimrande utsikt og hyggeleg personale. Einaste som var skikkeleg drit var at vi hadde gløymd kaffien heime. Fuglesteg-kaffien smakte vatn. Hit vert det uansett fleire turar - MED kaffi.

Lemenjakt i Mefjellet

Dato:

17.09.2017

Turtype:

Fjelltur

Distanse:

6,2km

© Tor K. G. Etter gårsdagens fiasko var planane for sundagsturen jekka 3 hakk ned. Maks ei halv mil, og med ein estimert tidsbruk på 2-3 timar. Og denne gongen klarte vi målet! Da er det på sin plass å forfatte ein liten turrapport: Starten gjekk frå campingplassen ved Bygdin fjellhotell. For å parkere her må du betale 50 kroner til han Ole Thomas Grythe Nygard. Og etter biloppstillinga denne dagen å rekne, skal eg tru han godaste Gniar Nygard har til salt i maten. Frå parkeringa gjekk vi over grusvegen og inn på stien oppover i retning Heimre Fagerdalstjernet. Da vi var komne opp på det første platået, låg Synshorn aust for oss. Herfra gjekk vi mot venstre (det vert vest ja) og fortsette oppover ryggen mot Mefjellet. Da hadde vi gått i 1/2 time. Med skråsikker mine meinte likevel Arnold >>>

Knøletur i retning Tverrdalstind

Dato:

27.08.2017

Turtype:

Fjelltur

Turlengde:

3:00t

Distanse:

12,0km

© Tor K. G. Av og til er det godt å vere på tur. Ja, berre på tur. Ingen topp, eller anna høgtliggande mål eller meining. Eg sette meg på sykkelen, med hunden i band, frå Selseng (parkeringsplassen), og sykla inn - og forbi - Anestølen, i det vi kan kalle ganske godt vèr. Håpet var å finne ein dugandes sykkel-sti (og nei, eg er ikkje spesielt kresen) oppover dalen mot Tverrdalsvotni. Det håpet gjekk ganske enkelt i dass. Eit stykke oppover sette eg den frå meg bak ein duganes stein og fortsette til fots. Etter kvart forsvant stien litt her og der, så eg gjekk over på andre sida av elva (aust-sida), da det såg ut til at det var betre sti der. Men det var det ikkje. Det var likevel ikkje spesielt krevjande å gå oppover dalen. Da eg kom opp til ca 1100 meter sette eg meg på ein stein - naut >>>

Molden, nok ein gong

Dato:

29.07.2017

Turtype:

Fjelltur

© Tor K. G. Familietur til Molden. Ikkje meir å seie om den saken.

Vetla Supphellenipa, Fjærland

Dato:

08.07.2017

Turtype:

Fjelltur

Distanse:

6,5km

© Tor K. G. Etter gårsdagens sjøslag, inkludert fleire glas brunt brennevin, var ikkje dagen komen for å ta 3 nye 2000m-toppar. Difor peika Vetla Supphellenipa seg ut som ein overkomeleg tur denne dagen (derpå). Vi satte bilen på parkeringsplassen ca. ved start (det kosta 40 kr per dag - kontant). Elles går det fin sti heilt fram til Tunga, der den deler seg (begge i retning Flatbrehytta). Her kryssa vi elva - retning aust - og følgde oppover dalen på baksida av fjelltoppen. Når vi kom nesten opp til enden delte stien seg igjen, ein i retning Flatbrehytta og den andre mot Vetla Supphellenipa. Herfrå hadde vi god utsikt til Flatbreen, som er eit ganske spektakulert skue. Det vart eit lite stykke over småknausar fram til toppen, der vi til slutt vart krona med flott utsikt over Fjærlandsfjorden.

Store Smørstabbtinden m. fl.

Dato:

07.07.2017

Turtype:

Fjelltur

Distanse:

14,6km

© Tor K. G. Så var det endeleg klart for den årlege fjellturhelga med Jon Kristian og Arve - etter ein pause på ca 2 års tid. Sjølv om vi kom oss noko seint i gong, blant anna som følgje av at Arve haldt 40km/t heile vegen over Sognefjellet, gjekk alt etter planen. Parkering ved Krossbu. Frå Krossbu følgde vi stien inn mot ryggen til Store Smørstabbtinden. Her haldt vi oss på fjellryggen til venstre for Leirvatnet. Deretter følgde vi høgre (vest) sida av fjellet. Det var stort sett sti utan problem. Utsikt til Store Smørstabbtinden. Stort sett greitt å gå over snøen. Frå toppen var det glimrande utsikt frå toppen til Kniven, Storebjørn med fleire. Vi kom og over ein sekk som nokon hadde lagt frå seg etter å ha gått vidare mot Kniven. Eg og Arve diskuterte kort om vi skulle flytte alt innhaldet >>>

Tunga, Fjærland

Dato:

28.06.2017

Turtype:

Fjelltur

Distanse:

3,1km

Søndagstur på utkikk etter skitrasé

Dato:

23.10.2016

Turtype:

Fjelltur

Turlengde:

2:00t

© Tor K. G. Helg til Balestrand betyr tur i fjellet. Sidan eg har vore på Bruhjellstølen 100 gongar før (som for øvrigt har brunne ned til grunnen etter eit lynnedslag), sette eg meg no eit mål om å stake ut ein dugeleg toppturtrasé for skikøyring. Frå stølen gjekk eg vidare til Raunekletten og tok turen nedover sørsida til Kisane (i staden for å gå over og kome ned til Kalbakk). Her er det bart og bratt nok. Steinbra terreng for skikøyring! Frå Kisane er det berre å køyre heilt ned til Skåsheimelva og krysse den. Da kjem du rett inn på stien og kan praktisk talt køyre på ski til botn. Gler meg til vintaren!

Skreik meg til topps

Dato:

16.10.2016

Turtype:

Fjelltur

Turlengde:

3:45t

© Tor K. G. Nuvel. Akkurat SÅ ille var det ikkje, sjølv om det likevel var ein vaksen tur på over 1100 høgdemeter i det forblåste haustfjellet. Første utfordring var å parkere så høgt eg kunne oppmed stien. Det er sjølvsagt ei parkering like over ungdomshuset ved riksvegen, men da tek det lang tid før du kjem til døra - for å seie det slik. Eg fann heldigvis ein plass på nedsida av fotballbana vel 60 høgdemeter lenger oppe. Det får vere måte på kor mange høgdemeter ein skal gå på ein dag! Elles følgde eg vegen mot høgre fram mot stien (i retning Sogndal). Ein solid mengde bilvrak og ein mannevond hund viser vegen her. Stien travereserer oppover mot Klanten (kvifor ikkje Kanten?!), og vidare til stølen Breisete. Herfra ser du rett opp mot Skriki, som er toppunktet på den lange ryggen >>>