Leinefjellet, nesten

Dato:

22.08.2021

Distanse:

9,0km

© Tor K. G. Prøvde noko nytt. Sykling langs skogsveg med påfølgjande fjelltur. Varmt og tørt. Sjukt tørt faktisk. Så med lite vatn i sekken var det nesten ikkje forsvarleg å fortsette så veldig mykje lenger enn det vi gjorde. Kos tur uansett.

Kaupngerholtane

Dato:

15.08.2021

Distanse:

4,2km

Dyrhovden, via elsykkel og føtene

Dato:

08.08.2021

Turtype:

Blandet sykling

Turlengde:

4:00t

Distanse:

25,8km

© Tor K. G. Etter gårsdagens suksess var det lite som kunne hindre meg og jentungen i å nå den siste lågtliggjande primærtoppen, Dyrhovden, på motsett side (Sogndalsdalen). Dyrhovden er i underkant av 1000 moh, men kan vere seig å nå fordi den ligg litt langt frå hovudveg og parkeringsmoglegheiter. Det vil seie, viss ein då ikkje tek i bruk skogsvegane inn mot toppen på ein effektiv måte. Med effektiv meiner eg bil eller sykkel, men eg vil likevel ikkje anbefale nokon å nytte teslaen sin inn Drivdalsvegen (sør-vest for toppen) eller stigninga opp mot Liastølen (nord-vest for toppen). Ein får sikkert løyve frå grunneigar til å parkere ved garden Geirane, men herfrå og tilbake egnar seg ikkje for ein gjennomsnitteleg sprek - og gjennomsnitteleg motivert - 5-åring. Altså vart løysinga >>>

Familietur til Lusaskar, Leikanger

Dato:

07.08.2021

Turtype:

Fjelltur

Turlengde:

3:30t

Distanse:

6,8km

© Tor K. G. Det starta bra, med ein pissetrengt hund som blauta ut buksa til kona i forsøket på å kome seg fortast mogleg ut av buret. Då hadde altså vi køyrd heilt opp Njøsadalen til stølen Skagasete. Bortsett frå dette gjekk det i godt driv i overkant av 3 km fram til Lusaskar. Det var litt veklsande ver med sur austavind til tider, som resulterte i av- og påkledningar til det kjedsommelege. Men på toppen var det lett å finne le. Returen inkluderte litt leie føter, litt surmuling, litt grining og eit lengre do-besøk. Takk Gud for sjokolade. Likevel ein fin familietur, der til og med minstemann fekk utfodra beina i kupert terreng.