Arkiv - dato

Arkiv - aktivitet

Lister jeg samler etter

Favorittopper

Synhaugen

Dato:
03.07.2025
Turtype:
Fjelltur
Distanse:
3,7km

Tur to baud på ei eventyrlig utsikt undervegs, og frå toppen. Eg fall ikkje for freistinga med å køyre heilt opp til stølen. Frå ruta mi, fekk eg glimt av nydeleg utsikt til stølsvidda og Skaget, frå stien/gamlevegen i skogen. Då også sikt til stølen Synshaug, med fredeleg avslappa sauer, som alt hadde roa seg. Gode beiter. Frå stølen var det ein mykje nytta sti til toppen med varden.

Kart    

Luskaråsen

Dato:
03.07.2025
Turtype:
Løpetur
Distanse:
7,0km

Tur ein av fire i dag. Til denne toppen kan ein køyre bil til hyttefelt, 40 meter i frå. Då blir det ikkje tur. Eg fann ein gamal stølsveg, eller stølsrei, som det stod på skiltet. Det har nok i tider også vore traktorveg. Litt attgrodd fyrste 200 meter, men sidan, tur på flott sti i fin skog, til ein nådde att grusvegen. Mange store maurtuer undervegs. Fin utsikt til Jotunheimens høge tindar, frå toppen.

Kart    

Rundemellen

Dato:
28.06.2025
Turtype:
Fottur
Distanse:
6,1km

Høvde godt å reise austover i dag, sidan det trua med kraftige regnbyger i Sogn. Fyrste av fire turar i Øystre Slidre i dag. Såg for ei tid sidan at eg tilfeldigvis hadde nokre raude nåler i denne kommunen og. Då går det litt sport i det, og det er kjekt å gå i nytt terreng. Andre tur hit denne månaden. Rundemellen er eit ikonisk fjell, på den måten at det er så tydeleg å sjå frå mange stader. Rund stikk den opp som ei såte i det meir lågt liggjande terrengen sør-aust for Jotunheimenn. Ein er tett på Langsua Nasjonalpark. Fin rundtur der eg også tok med Kalvemellen. Ei og anna grøn nål lyt aksepterast.

Kart    

Årdal extra

Dato:
21.06.2025
Turtype:
Fjelltur
Distanse:
22,8km

Det som blei tillegg i dag, var 7,8 km t/r på grusveg sidan eg måtte gå frå vinterparkeringa i Seimsdalen. Litt kjedeleg det, men meir mosjon. Nistepakka var ikkje heilt tilpassa. Sett bort frå transport-etappa, vart det ein fin tur. Frå Skor, ovanfor øvste bygningen, går det sti sørover til Skaret. Vidare var det å følgje høgdene bortetter, til eg dreia litt vest, og godt ned i eit dalføre. Årsak var snøfonn i den bratte sida, eller ei grov ur, som eg heller ikkje hadde lyst på. Hadde eg sjekka 75 meter lenger aust, så finn ein "normal-ruta" som føl høgdene heilt ut. Forholda der i dag, veit eg ikkje. Eg slapp meg ned nokre små ryggar, og så bratt opp til Gjerdesnosi. På returen ville eg ha med toppen av Skorsfjellet og, når eg fyrst var på desse kantar. Slik >>>

Kart    

Klantenovi 10/25

Dato:
19.06.2025
Turtype:
Fottur
Distanse:
3,5km

Kart    

Bergensfjell

Dato:
15.06.2025
Turtype:
Løpetur
Distanse:
12,4km

Fin tur i fjellet over Fløyen. Ny runde for meg nedatt frå Rundemannen. Bratt sti ein kort stykke mot Svartediket. Fint med kupperte og terreng og flotte grusvegar. Mange sti-ruter oppå fjellet og i skogen ved fløyen. Nokon breide og flott grusa opp, som også blir nytta som skitrasè når det er snø. Droppa Sandvikfjellet, då det var lite tid til overs. Tur og retur Lærdal - Bergen i eit ærend i dag. Var oppom Fløyfjellet for fyrste gong. GPS-track følgde med til Osterøy-brua, men lengd og høgd er korrigert etter Polar-klokka.

Kart    

Heggeberget

Dato:
09.06.2025
Turtype:
Fjelltur
Distanse:
5,8km

Parkerte ved ei avkøyrsle, der eg såg at det var teikna inn ein traktorveg. Den leda mot ein sti, som Arne Magnus (Peak Floyd) nyttar jamnleg. Ringde han, men han nytta ikkje denne ruta. Fekk tips om ruta vidar oppover. Traktorvegen var etter hogstmaskin nokre år tilbake. Kom greitt oppover, berre litt kratt før breidare god hogstveg opp til sti. Følgde stien, og fann blå tynne tau på busker oppover. Då det tetna til med skog, valde eg å sikte på den grøne nåla fyrst. Såg litt fjellrygg ut på kartet, men den var kledd med relativt tett skog. Kom greitt til denne toppen, over og til nest topp. Bere å følgje glenner i skogen. Retur la eg langs ei myr med eit lite tjern, og her var det også sti. Runda så sør om "grøn-toppen", og kom tilbake til ruta som eg nytta >>>

Kart    

Ljøkjeshøvda

Dato:
09.06.2025
Turtype:
Fottur
Distanse:
3,3km

Enkel tur ved ski-anlegget i bygda. Noko av stien var ødelagt av hogst-maskiner. Men bonden treng inntekter.

Kart    

Kvithovd

Dato:
09.06.2025
Turtype:
Fjelltur
Distanse:
4,7km

Tur til Østre Slidre for å plukke nokre nye toppar. Det har vore 10 dagar sidan sist tur. Etter turar torsdag og laurdag i førre veke, blei det smerter i venstre hofta. Fyrste gong, og sannsylegvis betennelse. Det var difor greitt å gå nokre korte turar. Det var ikkje så lett å finne parkering, så det blei langs vegen. Fint at Peakbook hadde ruta denne turen, sidan rutevalet ikkje var heilt enkelt fyrste delen. Det var skilta betre lenger opp i terrenget. Moro å gå nye ruter, og spesielt med furuskog, heilt på toppen, vel 1000 meter over havet. Fin utsikt like under toppen, og til vatnet, lenger nede på ruta.

Kart    

Storehaugen

Dato:
31.05.2025
Turtype:
Fjelltur
Distanse:
6,4km

Fin tur med Sander til Storehaugen. Møtte på 13 personar og to hundar. Lokale, frå nabokommune, og frå andre land. Kjekt at fleire finn fram til denne relativt bratte stien. Kanskje nokre blir litt overraska av kva som skal til også. Imponerande at dei utan tur-klede held ut heile vegen opp :)

Kart