Archive - Date

Archive - Activity

Collected lists

Facebook

Skjellingshovdane

Date:
07.11.2020
Characteristic:
Hillwalk
Duration:
3:28h
Distance:
10.4km

Då har det store skjedd. Full toppsamling i Nordre Land :) Turen gjekk først på god sti til Store Skjellingshovde, i fin skogsnatur. Ikkje særleg utsikt frå toppen, men for dei som vågar seg opp i tårnet der, er det håp :) Tilbaketur på sti før eg knalla mot Vesle Skjellingshovde. Litt ulogiske namn på desse toppane, då Vesle Skjellingshovde er størst! Det var lite sti her, så her måtte ein berre knalle over myrar og gjennom skog. Det var heller ikkje nokon klar sti frå Vesle Skjellingshovde og ned att.

Map    

Djuptjernkampen

Date:
18.10.2020
Characteristic:
Hillwalk
Duration:
3:28h
Distance:
11.0km

Så var det den lett mektige Djuptjernkampen som stod for tur. God og i stor grad oppmerka sti heile vegen. Møtte fleire folk på turen som var ute og nytte det fine (og litt vindfulle) haustvêret. Fin natur og fin utsikt på store delar av turen.

Map    

Lenningshøgda

Date:
18.10.2020
Characteristic:
Hillwalk
Duration:
0:12h
Distance:
0.7km

Snartur til Lenningshøgda, var ikkje mange minuttane opp dit. Moderne hytteutbygging har gjort enkelte toppar lett tilgjengelege. Turen fungerte også som oppvarming til den høgare Djuptjernkampen.

Map    

Druktjørnhaugen og Søre Suluhø

Date:
19.09.2020
Characteristic:
Hillwalk
Duration:
2:46h
Distance:
8.2km

Etter å ha vore på Storhaugen, var turen komen til desse to toppane. Fin tur som gjekk på blanding av sti og "av-sti". Fine haustfargar, bart fjellterreng, gul bjørkeskog, forholdsvis tørre myrar, ja det var ikkje måte på kor bra denne turen vart.

Map    

Storhaugen

Date:
19.09.2020
Characteristic:
Hillwalk
Duration:
0:45h
Distance:
2.1km

Dagens første topp i Langsua nasjonalpark vart Storhaugen. I eit fantastisk haustver gjekk denne turen.

Map    

Alle tre Røssjøkollane

Date:
23.08.2020
Characteristic:
Hillwalk
Duration:
3:48h
Distance:
11.8km

Fekk tatt ein rundtur her i dag. Gode stiar og lett å gå. Vart meir regn enn eg hadde berekna, så eg vart våt på turen ned. Fin utsikt i frå samtlege toppar, og fint terreng å gå i.

Map    

2-topparstur i Langsua nasjonalpark

Date:
09.08.2020
Characteristic:
Hillwalk
Duration:
4:37h
Distance:
12.0km

Dagens tur gjekk til desse to toppane. Flott vêr og akkurat passe temperatur. Turen gjekk i fin skog og fint fjellområde. På veg opp mot Grytlifjellet følgde eg sti eit stykke før eg fann ut eg ville knalle opp i terrenget. Utsikta frå Grytlifjellet var konge! Neste topp var Søre Revåkampen. Følgde sti nordover eit stykke før eg knalla ned gjennom skog og myr, og opp mot neste topp. Triveleg med nasjonalpark, skulle gjerne hatt fleire slike område rundt seg. Tett lågvokst skog på Søre Revåkampen. Gjekk ned i bjørkejungelen før ein fin utsikt mot Dokkvatnet og Dokkampen openberra seg. Deretter var det ned i skogen, og her traff eg faktisk på ein brukbar sti. Vidare ned gjennom skog og myr. Det var mykje myr, så husk gode sko!

Map    

Fire-toppars-tur kring Einunndalen: etappe 2

Date:
22.07.2020
Characteristic:
Hillwalk
Duration:
2:43h
Distance:
7.6km

Så var det klart for etappe 2 etter oppvarming med relativt låge toppar. Her vart det meir stigning, og endå kaldare. Det var etter yr +2 grader på Høgegga og bra med vind, det kjentest sånn ut og! Lite sti, men lettgått og fint terreng over 1300 m.o.h. Bratt opp.

Map    

Fire-toppars-tur kring Einunddalen: etappe 1

Date:
22.07.2020
Characteristic:
Hillwalk
Duration:
1:28h
Distance:
4.3km

Dagens første toppar, topp nr 80 og 81 i Folldal. Lite sti, men generelt lettgått terreng. Kaldt og mykje vind, men vi kan jo ikkje ha varmt vêr kvar dag!

Map    

Sundsfjellet (og Kjenuken)

Date:
10.07.2020
Characteristic:
Hillwalk
Duration:
4:46h
Distance:
9.2km

Fin tur til Sundsfjellet. Turen gjekk på god sti opp til cirka 800 m.o.h., deretter ein litt dårleg sti opp mot Kjenuken, før eg tok av mot Sundsfjellet. Då utsikten mot nord er betre frå Kjenuken, tok eg ein tur hit også.

Map