Haustferie, og toppturar i Øystre Slidre. Plan var 4 raude nåler på ein tur. I dag måtte Gråhøe gå ut grunna ver-tilhøva. Greitt fyrste timen, men så vart det to timar med snøbyger og vind. Fint å gå DNT-stien opp til mellom Gluptind-toppane. Bratt og litt sleipt opp til Søre Gluptiden. Rask retur, og eg valde snillare rute ned att i skaret før toppstøyt mot Nørdre Gluptinden. No vart det meir surt ver. Nedatt frå Nørdre Gluptinden var det uråd å orientere seg i bratta i starten. Så difor valde eg å runde i mindre bratt terreng. Lettare opp mot Store Nuten. Så vurderte eg litt ruta vidare. Det var vått med snø og sleipt. Difor vart det litt tilbake, før eg kom meg nedatt i dalen. Fint å gå etappa under toppen, og til tangering av DNT-stien på retur. No letta veret, og tilbake langs Vinstre blei det fint. Turen vart nok 3-4 km lenger enn kva den kunne ha vorte på ein fin sommerdag. Skjeldan at eg går tur i så røfft ver, men det har da også sin sjarm.
User comments