Fann ut eg skulle teste ut å gå Ytstekupa og Daurmål frå Klakegg. Eg veit at det er merkt rute frå Klakegg og opp til gapahuken/Klakeggstølen. Merkinga er god etter at Jølster fjelltrim hadde turpost der. Eg var litt nysjerrig på om det kom til å være noko sti vidare, og gleda var stor då eg oppdaga at det var merkt vidare. Eg fulgte merkinga og det kan sjå ut til at den gjekk heilt til Svenskedalen. Stien var tydeleg mesteparten av vegen, med nokre få unntak. Det var også merke fleire stader, sjølv om det ikkje var like bra som opp til gapahuken. Stien gjekk litt under Klakeggfjellet og bort til Ytstekupa. Gjekk vidare frå Ytstekupa og opp til Daurmål utan vidare problem, terrenget er greitt å gå.
Sikta meg inn på Flateegga og vidare til Klakeggfjellet. Deretter var det litt meir kupert og bratt nedover, men fann til slutt ei grei rute ned på austsida av Klakeggfjellet. Etter kvart sikta eg meg inn på stien eg gjekk opp.
User comments