Hanekammen og Sørøst for Jostebotnen har vore på ønskjelista lenge. Her må timingen stemme med tanke på at det bør være klarvær og ikkje for seint på året.
I dag låg alt til rette for ein tur opp til Hanekammen. Nydeleg vær og ikkje for mykje vind. Eg var litt i stuss om eg skulle bruke ski eller truger. Men sidan eg ikkje er noko racer på bratte bakkar, så valte eg å ta med trugene. Det viste seg å være eit greitt val, ettersom dei er litt lettare å ta i sekken enn skia. Eg måtte gå opp eit godt stykke mot Jostebotnen før eg kunne ta på trugene og hadde dei på eit godt stykke oppver. Tok av trugene det siste stykket før toppen av Hanekammen. Flott å nyte utsikta i prima vær. Ein liten lunsjpause på toppen før det bar vidare til toppen sørøst for Jostebotnen. Tok på trugene eit stykke ned frå toppen av Hanekammen og tok retning mot toppen. Lettgått og fint terreng. Her hadde det nok vore betre med fjellski, men ikkje så ille med truger heller.
På returen gjekk det fort nedover med trugene og litt meir slush i snøen enn på veg opp. Stort sett ein flott tur denne dagen.
User comments