Kveldstur i finveret. Ein må nytte tida når skyene og regnet har teke seg ein pause. Kva var kjappeste tur gjennomførbart før mørknet kom. Og når avreise var så seint som godt etter kl 18 heimafrå. Opp på Aurlandsfjellet bar det. Parkerte ved Vardahaug bru kl 18:45. Hadde eigentleg tenkt på Kaldeklettane, men forstod at eg rakk ein topp med raud nål. Fin sti og merka opp til Vardahaug støl. Sti ein km lenger inn og, før eg sikta meg på eit skar i fjellet eg skulle bestige. Fann ei fin rute. Knapt 50 min til toppen. Tok ein del bileter, og kosa meg. Gikk frå punktet der nokon har bygd ein varde. Men reknar fjellryggen/svatoppen lenger vest til å vere rette toppunktet. Retur mykje same leia, men på andre sida av ein knaus. Svært vakkert ved Vardahaug støl der sola hadde gått ned. Vel 40 min på returen. Toppen Såta slo inn på appen, men der var eg ikkje.
User comments