Fulgte ein umerka sti opp til Kjelkeskaret. Stistarten fant eg ikkje, men gjekk bare forbi eit gardstun og opp i bjørkeskogen så kom eg inn på ein sti langs vestsida av bekken. Litt lenger opp kryssa stien over på austsida av bekken og var nokså tydelig eit langt stykke. Blei utydelig igjen over skoggrensa, men fortsatte å gå langs bekken. En del storsteina ur så litt kronglete men uproblematisk å ta seg fram.
Oppe i Kjelkeskaret der det flater ut gjekk eg vestover ryggen til Reinsknuten. Var oppom fleire toppunkt på ryggen, men eit punkt skilte seg litt ut og virka like høgt som Reinsknuten lenger vest. Vidare ca 1 km vestover bort til hovedtoppen med varde og trigpunkt.
Gjekk bratt ned nordaustover. og så vestover i den tronge dalen. Det er ein steinsatt gammal anleggsveg i denne dalen og dermed lett tur resten ned. Stølsåna var nesten tørrlagt og dermed grei å steingå over. Hadde på forhånd lagt frå med sykkel her oppe for rask retur ned til utgangspunktet.
Dette blei dermed ein variert og flott rundtur som eg er glad eg valgte. For kortast tur til Reinsknuten er det utvilsomt best via min returrute på den nevnte anleggsvegen på nordsida av Reinsknuten. Ein bør helst gå opp mot tjern 831 for å unngå for bratte fjellsider opp til Reinsknuten.
User comments