Etter å ha overnatta på Veiholmen og tatt morgontur rundt omkring i været, køyrde vi til Kuløy og Kuli gard. Moro å sjå kopien av Kulisteinen som eg var med å stemme inn på lista over Norges dokumentarv. Elles har vi sjeldan sett så mykje jernskrap i form av kasserte landbruksmaskiner mm som rundt denne gamle praktgarden. Vi gjekk traktorvegen til høgre i tunet, opp til det store jordet og på skrå over det mot grinda i søraustre hjørnet. Så ned sti i ei bjørkehelling til neste jorde. Skar tvers over og fann stigen til Breivika, småbruk som stod til nedfalls. Då vi skar rett opp mot toppen hang det fleire havørnar over oss, vi trudde vi skulle få sjå dei på nytt på toppen, men då var dei borte. Same veg nedatt. 5,2 km, 11 time og 21 minutt, 133 hm, Tom var med.
Kommentarer