Etter mange dagar med turar, ynskja vi ein kortare tur i dag. Valet fall på Elgen langt nord i Harstad. På vegen over Aunfjellet, som går opp mot 340moh, var det skikkeleg vinterføre. Vi parkerte ved kyrkja Hans Egedes Minne, og gjekk i veg på traktorvegen oppover. Like etter sterten på traktorvegen var det ein bonde som har dumpa gammal silo, noko som ga ein ganske vond lukt eit lite stykke. På omtrent høgaste punkt på traktorvegen, tok råket mot toppen av. Vi følgde to ulike, men like gode, råk opp og ned, ingen av råka følgjer det som er teikna inn på kartet. Da vi kom over skogen og opp på ryggen vart det verkeleg flott. Snøgrensa var låg, snøen var på om lag 200moh. I dag møtte vi fleire folk på tur, Elgen er nok eit populært turmål. Ikkje rart, det var ein flott tur.
User comments