Sunnmøre pf 100 516/519
Eit lite minirykk på Sunnmørslista denne helga då 2 av resterande 5 vart kryssa av. Snart 3 år sidan forrige topp på Sunnmøre!
Vi fekk lurt til bubilen rett før bommen til Riksemdalen. Ein trimmar som kom forbi kunne betrygge oss med at det var berre vennlegsinna folk i området, så vi kunne stå på avkjøyrsla på høgre sida av vegen. Herifrå til veis ende var det drygt 6 km og vi gjekk på 1.17 i roleg tempo. Skifta om frå joggesko til fjellsko og gjøymde joggisane under ein stein. Kjempeflott ver etter kvart, men tydeleg at det var ein del vind i høgda. Gjekk først forbi hytta mot vatnet, og så bratt oppover sida mot skaret mellom Litlehornet og Keipen. Ryggane til begge toppae innbyr til klyving, vanskegrada kan ein delvis bestemme sjølv. Frå Litlehornet kunne vi sjå bygene fleire stader rundt oss, så vi tok ein kjapp nedfart langs rennesystema mot Storvatnet. Her låg det fine snøtarmar som vi utnytta max. Så då var det berre å rusle ned den smådryge etappen til bilen igjen. Her skal vi opp ein gong til, Synnavindsnipa.
User comments