Kvannefjellet 1712 - Siste 100 Pf Jølster (22.08.2016)
Written by Eikås (Janne Eikås)
| Start point | Haugadalen P (643m) |
|---|---|
| Endpoint | Haugadalen P (637m) |
| Duration | 6h 16min |
| Distance | 16.9km |
| Vertical meters | 1,435m |
| GPS |
|
| Ascents | Kvannefjellet (1,575m) | 22.08.2016 |
|---|---|---|
| Kvannefjellet Nord (1,712m) | 22.08.2016 | |
| Nordre Kvannefjellet (1,551m) | 22.08.2016 | |
| Søre Kvannefjellet (1,567m) | 22.08.2016 |
Sidan eg hadde tenkt å gå oppatt tur mandag etter jobb, hadde Brit Siv lyst å være med. Når eg har bestemt meg for ein ting får eg ikkje fred før det er gjennomført. Det skulle helst ha vore gjennomført før tanken er tenkt, og det er gjerne ikkje alltid den beste egenskapen! Meldingane var fine og Brit Siv plukka meg opp etter jobb. Søndag var eg på Eikåsnipa og traff på ei sprek og trivelig dame. Vi snakka litt om den fine turopplevelsen eg hadde på Kvannebakkbu. Ho hadde lyst å ta turen også, men var litt usikker om ho våga turen åleine. Då vi skilde lag trur eg ho hadde bestemt seg :) Medan vi russla oppatt ryggen til Kvannefjellet, kunne eg sjå bort på Kvannebakkbu. Eg funderte på om den trivelige dama hadde komt seg opp, og kunne få nyte den gode freden og det fine der oppe.
Tida går fort og vi hadde brukt vel ein time til å russle rundt på toppen der. Fekk nokre fantastiske naturbilder då kveldsola, skyer og skodda kom drivande over Snønipa. Ein har lite lyst å retunere heim når det er så flott. Men fornuften tilsa at det var berre å skunde på, då vi såg skyene nærma seg faretruande gulsvarte.
Var opp igjen på Søre Kvannefjellet i returen for å knipse nokre bilder. Såg bort på Kvannebakkbu, der var det berre ein svart vegg av skyer og lynglimt. Tenkte på den stakkars trivelige dama som skulle overnatte der åleine for første gang. Men skyene kom like raskt mot oss. Brit Siv var begynt å gå medan eg styra med ompakking av sekken på toppen. No høyrde eg berre drønna som like gjerne kunne minne om lydane ifrå isbreen. På veg ned klarte eg det hærlege kunststykket å trakke over og det var ikkje eit lite overtrakk! Dette hadde eg gjort ein gong før og eg gjekk nesten 4 mnd. utan å gå på normalt vis. Fekk putta snø i sokken og kjøle ned ankelen. Eg greidde av ein eller anna grunn å springe ut igjen. Nesten nede ved Haugastøylen lyste lyna opp dalen og det regna hinsides! Då kjende eg faktisk litt på følelsen av den faren for å bli truffet. Store kontraster, ein minnerik og fantastisk tur på siste Jølster topp :) Turen enda tilslutt på legevakta med sjukmelding, krykker og nokre dagar framover med kvile!!
Tusen takk Brit Siv for ein strålande siste Jølstertopp ilag :)
User comments