Kjørte postruta fort slik at eg kunne nytte ettermiddagen på fjellet denne dagen. Strålande vær og liten sekk. Parkerte bilen i enden av vegen i Hjortedalen og gjekk opp på Sandfjellet frå nordsida. Jogga tilbake over 1082 og inn i motbakken mot Tussa. Når ein først er på Tussa er det ikkje mange meterane til Hatten. Gjekk ned i skaret mellom Tussevatna og Tyssekupa, og opp mot Aksla. Frå Aksla går det eit svakt trakk mot Tendane. Bratt og laust til høgaste punktet på Tendane (her var det ikkje lenger trakk). Sprang på snøven nedatt til Indre Aksla, og deretter skrått nedatt til bilen.
User comments