Planen var ei mykje lenger runde med 7 toppar. Diverse omstende gjorde at vi var fornøgde med berre Johannesberg. Først starta vi turen for langt oppe. Så brukte vi lang tid med diverse feller og stegjern. Ja det var så knallhardt oppover at vi labba med stegjern og skia på sekken eit stykke. Kortfeller vart bytta ut med langfeller og så tilbake til kortfeller igjen. Etter ein matpause på Sværaeggi vart vi enige om å gå for Johannesberg. Sette igjen skia og gjekk med stegjern dei siste ca 120 hm og 600 meterane til topps. Her oppe var det ganske bra snø og ikkje så isete. Vi hadde og lokalisert nokre voldsomme skavlar på den tenkte ruta vidare som ikkje let seg forsere. Sånn sett var det ikkje vanskeleg å gi seg i dag. Elendig skiføre nedover igjen sjølv om sola hadde fått tatt litt av verste isen. Alt i alt ein fin turdag trass dårleg føre.
User comments