Archive - Date
Archive - Activity
-
Ski trip (19)
- Backcountry skiing (6)
- Randonnée/Telemark (13)
-
Trip by foot (28)
- Hillwalk (24)
Peakbook-Friends
Snøhetta
- Date:
- 13.08.2017
- Characteristic:
- Hillwalk
- Duration:
- 8:34h
- Distance:
- 14.7km
Årets familiefjelltur til Snøhetta.
Vi overnatte i telt en halv kilometer frå Snøheim. Dei minste var bekymra for moskusbesøk i teltet. Etter ei nokså kald natt, varma sola opp teltet før frukost. Turen til toppen gjekk fint for store og små.
Litt dramatikk vart det på tur ned når vi kjem til den gamle hytta der stigninga startar. Her har ei dame ramla i steinrøyse og fått hodeskade. Vi hjelper til å få bandasjert skada, og etter å ha vore i kontakt med AMK, blir det bestemt at ho skal hentast med helikopter. Nokre dagar etter at vi har kome heim att, får vi blomster på døra som takk for hjelpa. Det var ei triveleg helsing.
Vestre Skardstind
- Date:
- 01.08.2017
- Characteristic:
- Hillwalk
- Duration:
- 9:45h
- Distance:
- 13.9km
Målet for dagen var Skardstind. Det var brukbar vêrmelding denne dagen i ei elles dårleg vêrperiode. Men vêrmeldinga slo ikkje heilt til, og vi fekk både snø, vind og kuldegrader. Ambisjonane vart reduserte, og plan B vart ei runde på Dumhøe og Vestre Skardstind. Så får vi kome att ved eit seinare høve og fullføre resten av turen. Takk til Hans Morten for triveleg følgje!
Tverrbottindane
- Date:
- 29.07.2017
- Characteristic:
- Hillwalk
- Duration:
- 8:00h
- Distance:
- 10.8km
Flott og lett rundtur !
Piggen og Vesl-Piggen
- Date:
- 14.07.2017
- Characteristic:
- Hillwalk
- Duration:
- 7:22h
- Distance:
- 12.7km
Familitur til Piggen med Sigri! Andrea var ein snartur bortom Keilhaus, og på tur ned vart det også ein fin avstikkar bort til Veslepiggen.
Austre Hestbrepiggane
- Date:
- 09.10.2016
- Characteristic:
- Hillwalk
- Duration:
- 10:30h
- Distance:
- 18.4km
Haustferietur frå Netosætra til Austre Hestbrepiggen. Vi starta i grålysninga og fekk med oss soloppgangen på tur oppover frå Neto.
Vestre Tverrbotntind
- Date:
- 04.09.2016
- Characteristic:
- Hillwalk
- Duration:
- 7:10h
- Distance:
- 12.5km
Etter at dårleg vêr sette ein stoppar for Visbreatind laurdag, såg det langt betre ut søndag. Dagens turmål vart Vestre Tverrbotntind, og vi pakka med oss litt klatreutstyr for å vere førebudd på bratte utfordringar. Mykje steinrøys opp Leirløyfte, men alle nådde toppen vest for V1.
Vidare traverserte vi på sørsida av ryggen til vi stod under lågaste punktet på ryggen mellom dei to toppane. Frå her sikra vi 1/3 taulengde heilt opp på ryggen. Mange ville nok gått usikra på tørt føre, men for oss var det fornuftig med tau. Frå der var det luftig, men greit til topps.
Alt i alt ein spennande tur med litt luftige innslag.
Stetind med Ivar og Pappa
- Date:
- 20.08.2016
- Characteristic:
- Hillwalk
- Duration:
- 5:30h
- Distance:
- 7.5km
Telttur med Ivar og Pappa. Slo opp teltet øvst i Gravdalen der stigen tek av innover mot Sandelvbreen. Målet var Stetind. Vi fekk noko regnvêr over oss på tur mot toppen, og måtte krype inn i vindsekken ein halvtimestid før vi fortsatte mot toppen. Litt utsikt fekk vi innimellom bygene. Turen nedover gjekk lett over snøfonnene, og vi fekk litt kveldssol når vi kom ned til teltet.
Store Smørstabbtind og "Breatindane"
- Date:
- 16.08.2016
- Characteristic:
- Trip by foot
- Duration:
- 12:00h
- Distance:
- 20.4km
Flott rundtur med Pappa, og vêret viste seg frå si beste side.
Fanaråken familietur
- Date:
- 02.08.2016
- Characteristic:
- Hillwalk
- Duration:
- 6:00h
- Distance:
- 11.8km
Herleg topptur med heile familien og overnatting på Noregs høgaste turisthytte. Trass i nokså bra vêrmelding vart det etterkvart nokså fuktig og surt. Vel framme på Fanaråkhytta gjekk ungane rett i soveposane for opptining :). Det skulle vise seg at det vart heile 70 gjestar denne natta fordelt på 34 sengeplasser på sovesalane. Til og med tørkerommet vart soveplassar(!), og sovesalane vart derfor tørkerom etter ein blaut dag. Men all honnør til betjeninga som organiserte dette på beste måte! Neste morgon kunne dei by på smakfull frukost med nybakte brød. Vi returnerte same vegen, og med opphaldsvêr, utsikt og nedoverbakke gjekk returen lett som ein plett!
