Archive - Date
Archive - Activity
-
Trip by foot (3)
- Jogging (1)
Peakbook-Friends
Grønahorgi
- Date:
- 16.07.2019
Me starta turen frå øverst i eit hyttefelt ovanfor Kvitno. Herfrå følgde med ein drifteveg sørover til Budalen. Her tok me av frå stien og følgde bekken oppover. Vidare oppover mot nordaust opp på Færesfjellet. Herifrå såg ein toppen godt. Me gjekk litt mot søraust og opp mot toppen i kanten mot Otledalen. Fin tur, fin varde på toppen, og god utsikt.
Vikestølheia
- Date:
- 26.05.2019
Vår tur starta ved Hundabergbruene. Parkerte ved Fundingslandsvegen omlag 2km frå krysset Vormedalsvegen/Fundingslandsvegen.
Me følgde god sti opp langs Hundaberga og inn Hundabergdalen til Subbelia. Vidare på stien forbi hytta i Subbelia og opp til bekken som kjem frå Saupstølmyrane. Her kryssa me bekken og fortsette mot søraustopp lia mot Vikestølheia. I lia her fann me ikkje nokon sti, men fann igjen ein god sti når me gjekk opp på heia i Sauaskaret. Me følgde skaret og bekken vidare til ei lita tjørn på 750 moh. Herifrå mot søraust rett mot toppen på 832 moh.
Vikestølheia er relativt flat på toppen, og det er vid utsikt mot alle himmelretningar. Innover heia ser me Kvanndalen, Frigardsheia, Fjellsenden og Brenneknutane. Nordover ser me Hauaskjøla, Gullingen, Napen og lengst >>>
Napen på ski
- Date:
- 19.04.2019
Turen starta ved Gullinen skisenter og gjekk innover vegen i Breiastølsdalen, vidare forbi Sandsavatnet og vidare innover på vegen til ein har Moavatnet på høgre handa. Her tok me av vegen og tok fatt på ei bratt kneik opp til Buarekvelven. Det er ei sankehegne for sauer der ein svingar av vegen, og sommarstien er nølt (varda) slik at med lite snø slik som nå så ser ein nødlingane. Når ein er komen opp til Buarkvelven er det berre å gå inn til botnen og rett opp skaret opp til Midtnutevatnet. I skaret her er det bratt og det kan vera litt skummelt ift. rasfare dersom der er mykje snø. Nå var vinteren på hell og det var nesten like raskt å ta skia av og å følgje stien på dei snaue rabbane midt i skaret. Oppe ved Midtnutevatnet møter ein turistforeningen si løype mellom >>>
