Archive - Date

Archive - Activity

Collected lists

Show all collected lists

Favourite peaks

Makalaus

Date:
29.05.2026
Characteristic:
Hillwalk
Distance:
7.5km

Makalaus. Eit ord som kanskje ikkje alle kjenner tydinga av. For meg tyder det "Eineståande". Så eit eineståande eller framifrå fjell, om ein vil. Gikk frå vatnet Kvitingen. Det var skilta «Sabotør-ruta» grunna «tungtvann-aksjonen». Nokre av folka som utførde den, rømde til Sverige denne ruta. Grei sti, men behov for rydding her. Eg busha opp til skogstoppen Vest for Makalausfjellet. Nedatt frå denne på sti. Kom ned ved stølsområde Eidvasstølan. Så vidare på skogsveg, og så fin sti til topps. Godt å komme ut av skogen, og flott utsikt frå toppen av Makalausfjellet.

Map    

Kinsedalen

Date:
27.05.2026
Characteristic:
Hillwalk
Distance:
12.6km

Fin tur til to toppar i Luster kommune. Bil på ferje frå Solvorn kl. 12. Nydeleg overfart. Frå Ornes vidare ut på sørsida ca. 6 km, så bratt opp og inn Kinsedalen på grusveg. Det var laga til og skilta "Parkering" like før gards-området. Fin skogsveg knapt 2 km, så på merka sti som går over til Ornes. Kom til Nyestølen, heldt fram på sti så tett inntil fyrste topp som råd. Dette var eit godt val, og eg eg fann trakk og små skorer opp på ryggen. Flott utsikt frå varden på Kupenovi. Såg på høgdekvoter, og kom til at det burde vere mogleg å sleppe meg ned aust om vatnet. Litt bratt eit kort strekk, men ikkje vanskeleg. Hjorten hadde laga veg, og like etter vatnet var det heil sti der eg gikk skrått mot Storaskarnosi. Endra retninga der eg såg det var greitt >>>

Map    

Koppefjellet

Date:
22.05.2026
Characteristic:
Hillwalk
Distance:
10.7km

Valde å byrje på turen frå den store rasteplassen. Tilrettelagt sti over tunell-taket, og vidare bru med dei tre bukkene bruse. Kort sti opp til tangering av bilvegen. I alt vart det 1,6 km kvar veg før eg gikk inn i terrenget til toppen sin turstart. Raud pinne her, og nokre stader opp til egga mot toppen. God sti til samme. Greitt å følgje sti opp egga til topps også, om ein følgde med. Ikkje merka her oppe. Veldig fin tur, og aldeles nydelege fjell å skue augene på i alle retningar. Ja trass overskya, men eg såg ikkje alle toppane ved Hjørundfjorden grunna dagens forhold.

Map    

Melshornet - Ørsta

Date:
21.05.2026
Characteristic:
Hillwalk
Distance:
14.2km

Sol og fint heilt til like før toppen 1. forsøk. Så kom skodda. Valde å gå opp frå andre sida då eg gikk meg på snø på det brattaste. Hadde ikkje med rett utstyr til bratt snø-felt. Fin tur på sti med ein del stein. Då eg kom nedatt ved vatnet, var skodda borte.

Map    

Søre Gråbrørne

Date:
10.05.2026
Characteristic:
Hillwalk
Distance:
10.9km

Fin tur saman med Sander. Sette oss ned å åt nista litt før toppen. Flott utsikt inn Lustrafjorden.

Map    

Fjellstjørnryggen

Date:
23.04.2026
Characteristic:
Hillwalk
Distance:
2.3km

Tur 6 og siste på dag to i Hyllestad. Denne turen var eg litt spent på etter sprake-infernoet til Katlenova i går. Det viste seg at her var det sti, og som eg minnest at Line hadde omtala for ei kort tid tilbake. Men at den var mykje attgrodd. Konsentrerte meg difor grundig i overgangar, for å ikkje misse stien. Lett å halde den for det meste med nokre unntak. Når ein kjem til den bratte fjellryggen, må ein gå til tilbake før ein klyv oppå. Eg fann eit fint opptak. Ser av spor at nokre har gått brattare skårer. Fint oppover ryggen fram til masta. Vidare litt kraftigare skrake-skog (sprake er einer). Artig sak denne toppen, og det gikk mykje betre enn frykta.

Map    

Sørbøheia

Date:
23.04.2026
Characteristic:
Hillwalk
Distance:
2.8km

Parkerte fyrst ved landhandel og gikk opp forbi sjukheimen. Inn i granfelt. Rotete og bratt område, fann ikkje sti og snudde. Her hadde eg vore for kjapp i føre-arbeidet. Men hugsa eit spor, så det ha godt folk her i nyare tid. Køyrte så ut litt lenger utover, og parkerte på ei lomme og følgde merka sti til topps. Fin sti her, og greitt å gå. Granfeltet var veldig bratt, men det var ei brei og god hylle å gå på. Nokre steinete opptak, men sti heile vegen. Kom opp til ei myr litt før toppen, men skimta trakka, og kom greitt over. Varde på toppen, men dårlegare utsikt i dag sidan det var yr i lufta.

Map    

Torgeirsletta

Date:
22.04.2026
Characteristic:
Hillwalk
Distance:
5.7km

Parkerte ved kyrkja på Øn. Her var det skilta rute på oppsida av vegen til m.a. Torgeirsletta. Fin sti, med eit bratt granfelt, før lauvskog og snillare sti etter kvart. Tregrensa ved om lag 310 moh. Om lag 200 meter før toppen var det eit stikryss. Denne turen kunne eg ha gjort kortare ved å køyrt inn eit dalføre mot Indre Sundbotn. Retur på denne ruta gav nok ein betre opplevesle med utsikt mot Lihesten, Åfjorden, til havet med meir. Då eg tok til på denne turen var plan å halde fram utanom sti til Høgeheia. Men eg gløymde nista i bilen, og var i ferd med å gå tom for energi like før toppen. Høgeheia lyt eg gå til frå Indre Sundbotn ei anna gong.

Map    

Katlenova

Date:
22.04.2026
Characteristic:
Hillwalk
Distance:
2.5km

Bilen vart plassert på ein grei stad 50 meter før eg gikk inn i terrenget. Like før svingen, inn på ei markert flat stein-blokk. Dette vart tur heilt utan sti. Bratt og tett. Spennande var det, å prøve å finne ei god rute. Til sist ved toppen var det eit sprake-villniss av høgaste generasjon. Nedatt vart det vanskeleg å treffe samme ruta. Ruta opp var best. Mitt fyrste og siste besøk hit. Men utsikta til Lihesten var fin.

Map    

Kolgrovheia

Date:
22.04.2026
Characteristic:
Hillwalk
Distance:
5.9km

Dette skulle bli den fyrste av i alt 6 turar i Hyllestad over to dagar. Parkerte mot Kolgrov, 200 meter frå hovudvegen. Skogsvegen var under utviding, og noko gjørmete på fyrste del. Vidare fin grøn skogsveg til stien tok til inn i terrenget. Tydeleg sti, og godt merka der det var steingrunn. Ein del sva-parti, på ruta, særleg i øvre del. Terrenget vart brattare då eg nærma meg toppen. Turen var variert og fin, med flott utsikt.

Map