Askvoll/Gaular: 5 x pf 100 (01.02.2014)

© Ove Lotsberg

Meldingane for laurdagen var bra, med ein del vind. Søndagen ikkje så bra. Vi satsa likavel på ei god helg rundt Massbu. Kjøyrde frå Laukeland mot støylane og parkerte der stien er merka til Massbu. Pakka med oss sovepose og mat til overnatting. Ca ein km gåing i lett terreng innover til hytta. Etter inspeksjon og ompakking var vi klare til tur. Gjekk vestover mot Søre Kringla. Vinden var så voldsome langs ryggen der at eg lurte på om vi kom til å blåse overende. Vidare nordover til Nordre Kringla og Eitrenipa. Knota litt før vi fann ei rute ned til utosen av Bjørnastigvatnet. Vidare over Høgefjellet, Botnatfjellet og Kringlefjellet og til dagens høgste Synste Stauren. Her var vi i tvil oppover. Vinden banka og herja i rykk og napp. Det var ein kamp å halde seg på beina og få framdrift. Kom opp til vestryggen på toppen og fekk her litt le. I det vi kjem opp på toppen og kjenner eit snev av glede ser vi ein enorme snøvegg som kjem midt i mot oss. Grauttjukke og i full fart. Eit par raske foto ved toppvarden og retur samme vei. No kunne vi sikkert gått ganske rett mot Massbu. På grunn av veret og at dette terrenget var heilt ukjendt våga vi ikkje det, men heldt fram vestover heile Blåegga. Runda rundt vest for topp 787 og gjekk ned dalen nord for Yksnefjellet. Måtte fram med lyktene og kom til Massbu godt slitne. Heldigvis ei lita hytte som er kjapp å varme opp. Tørre kle, sovepose, mat og skitprat. Stemninga steig etter kvart i taket. Janne var turfølgje.