Rondane dag 4: Verkilsdalsbotn rundt (07.07.2013)

Dette er drygaste dagsturen vi har gått til fots, over 38 km viste GPS. Gjekk frå Dørålseter på merka rute mot Høvringen. Ei elgku med kalv kryssa elva eit lite stykke foran oss, sat roleg og såg på. Artig for oss som for det meste er vant til hjort og rein. Kryssa utosen til Dørålsvatnet på austida og gjekk bratt opp ein rygg i retning dagens første topp, Vassberget. Her møtte vi ein kar, overraskande for alle partar virka det som. Han dreiv og gjekk litt i fjellet, hadde ei Røyne-liste som han kryssa litt av på innrømma han. Virkar som denne Røyne-lista er reine pornografien i enkelte miljø. Etter ein lang prat med han om fjell og tindar måtte vi berre komme oss vidare. Hadde alt brukt 4 timar. Eit steinkast bortafor toppvarden gjekk vi oss på eit kadaver av ei ku. Beingrind og skinn, og ei utriveleg lukt. Lurer på kva historia er bak denne skjebnen? Kva vil ei ku på 1800 moh i ei steinrøys? Turen gjekk vidare rundt heile Verkilsdalsbotnen. Sagtindan, Bråkdalsbelgen, Ljosåbelgen, Steet og til slutt Trolltinden. Sjølvsagt ein del opp og ned men enkelt å gå. Passasjen frå topp 1897 til Trolltinden er grei å finne. Tydelege spor, delvis varda osv. Frå Trolltinden nytta vi snøfeltet i nordsida. Tok 300 høgdemeter med skorennjing der i ein fei. Forferdeleg lang utmarsj frå Langholvatnet, gjekk på austsida av Døråe. Tilbake ved Dørålseter ca 2130.