Storebjørn og Veslebjørn (18.05.2024)

Storebjørn og Veslebjørn

Bjørnejakt på Sognefjellet.

---

Etter gårsdagens 17. Mai feiring med tilnærma skyfri himmel var vêret i dag blitt overskya, men med håp om glimt av sol utover dagen.

Etter å ha sjekka ut frå Sognefjellshytta køyrde vi ned forbi Krossbu og parkerte langs vegen. Her krydde det av bilar og aula med folk, so det var tydeligvis mange som hadde tenkt seg på skitur i dag. Opp Leirbreen var det reine folkevandringa, og vi kunne sjå folk på alle toppane kring den.

Vi gjekk rett til Bjørneskaret med Storebjørn som dagens første mål. Storebjørn var eit mektig skue der den reiste seg mot himmelen i det vi sklei ned Bjørnebreen.

Vi parkerte skia før den siste bratte kneika opp til toppen, og gjekk med randonee støvlar og stavar her ifrå.

---

---

På toppen naut vi utsikta og litt sjokkis før vi satt kursen mot Bjørnelabben. Skyene begynte no å sprekke opp, og vi fekk kul utsikt tilbake mot Storebjørn med blå himmel i bakgrunnen.

Vidare sklei vi ned mot Veslebjørn Sørøst kor vi starta på ryggen mot Veslebjørn og over til Veslebjørn Vest med skia på sekken.

---

Ryggen var stort sett avsmelta, so vi fikk testa balansen godt der vi kjempa oss gjennom steinura.

Etter å ha besøkt Veslebjørn Vest rann vi bratt ned på Leirbreen og gikk opp til Bjørneskaret igjen då vi såg at vi hadde nok tid til å få kryssa av Veslebjørn Nord på lista. Her fikk vi også inspisert traversen over Bjørneggen. Den såg luftig ut!

---

Tilbake i Bjørneskaret var det berre å skli tilbake til bilen og sette kursen mot Hornindal med 12 nye 2000 meter toppa kryssa av på lista etter ei super 17. Mai feiring.

Takk for turen!

---

---