Etter gårsdagens skitur var det behov for ein tur på barmark. Eg tok sjansen på at Torheia var lite snø, sjølv om det kunne sjå ut til at det var litt frå Flokenessida. Tørt og fint stort sett heile vegen. Litt snø på toppen, som var så hard at det var lett å gå på den utan å søkke ned i.
Eg tok ruta via Yndestadhøgeheia og angra ikkje. Veldig fint å gå, sjølv om eg tykkjer det var litt luftig å gå heilt ut på kanten, så eg holdt meg godt innafor. Fekk meg ein fin matpause på Toppen av Toreheia, det var det vindstille og bra temperatur frå sola. Etter pausen sikta eg meg inn på Skylefjellet og vidare mot Blåfjellet. Retur via ein meir eller mindre tydeleg sti til eg kom tilbake til stien som gjekk opp til Skylefjellet. Absolutt ein prima tur.
Benutzerkommentare