Sætredalsfjellet og Fivelstadnibba (03.08.2021)

Freelance-tur på ein tirsdag med Kroksleiven - valet fall på Sætredalsfjellet. Og då måtte sjølvsagt også Fivelstadnibba med.

Underteinka klaga på tunge lår opp bakkane, og skulda på koronavaksine. Men det kan også ha vore bakkane si skuld - for denne turen hadde lange bratte bakkar i fullt monn.

© Kristian Starheim

© Kristian Starheim

Først greit på sti opp frå Fivelstad til trimposten. Her opna den fine Sætredalen seg. Men vi skulle rett opp fjellsida mot Sætredalsfjellet - ein uendelig brattbakke av gras og lyng. Deretter litt klyving opp til Sætredalsfjellet sør, som baud på upåklagelig utsikt mot Hellesylt og stryn! Og greit bort på sjølve Sætredalsfjellet, med enda meir upåklagelig utsikt mot Slogen og kompani. Så heile bakken nedatt.

© Kristian Starheim

Men vi var ikkje ferdige med det - Fivelstadnibba hadde ein nesten like lang og bratt bakke, så det var berre å kome seg avgårde. Vi passerte ein kar frå Rogaland med skistavar opp i ura, og han var også den einaste vi såg denne dagen. Det gikk radig opp bakken, og vi toppa ut i renna mellom sør- og hovedtoppen. Eg tok ein snartur innom sørtoppen medan Kroksleiven studerte noko som likna ein sti ned renna mellom toppane. Det gav virkelig ikkje meining i denne bratte veggen - er det her fivlingane tar saudene til fjells skal tru?

Fivelstadnibba kjem på kremtopplista mi med stolt profil luftig utsyn og flott utsikt. Den får litt trekk for ruskete adkomst, men dette var berre enda eit pluss meinte Kroksleiven - fint med lite folk.

© Kristian Starheim

© Kristian Starheim

Deretter var det strake vegen nedatt, og til alt overmål slo Kroksleiven til med stiløping dei siste par hundre høgdemetrane!

Takk for turen Torleiv!

Startzeitpunkt	03.08.2021 09:35 (UTC+01:00 SZ)
Endzeitpunkt	03.08.2021 16:29 (UTC+01:00 SZ)
Gesamtzeit	6h 53min
Zeit in Bewegung	5h 20min
Pausenzeit	1h 33min
Gesamtschnitt	1,7km/h
Bewegungsschnitt	2,2km/h
Entfernung	12,0km
Höhenmeter	1.977m