Borgafjellet (12.04.2021)  

Ettermiddagstur for å inspisere den nye dagsturhytta Borgabu + Borgly gapahuk, og for å få seg litt heilt nødvendig trim.

Turen opp tok 25 minutt i rask gange. Det er ikkje mange stader ei kan få så god utsikt på ein så kort tur. Dagsturhytta er nesten ferdig, og ser verkeleg flott ut. Her blir det nok svært folksomt med både store og små på fine søndagar i sommarhalvåret, men det er heldigvis lagt til rette for mange sitjeplassar.

Omlag 600 meter lenger inne på "vidda" ligg Borgly gapahuk - her vil vi nok også ta med ungane ved neste høve. Lettgått terreng, og sjølv med ein del snø på stien, tok det ikkje meir enn 10 minutt fra Borgabu.

Gjekk ned att stien til øvst oppe i Hjellevegen - hakket kaldare når sola var gått ned, men veldig fin tur. Møtte relativt få folk i dag, men det tek seg nok raskt opp når all snøen er borte, og våren startar for fullt.