Mosvarden (30.12.2019)

Tradisjonen tru måtte eg ha meg ein julejogg til Mosvarden. Denne gongen baud det på litt meir utfordrande forhold. Sidan englebarna er litt "aktive" for tida må turaktiviten foregå etter leggetid (i bekmørkna), og sidan det er realt sunnmørsk julevær (sidelengs regn) så er slike turar av den karakterbyggande sorten.

Men, eg klarer liksom ikkje la være, så slik vart det. Eg sprang grusvegen opp mot Mosvatnet, eg hadde eigentlig berre tenkt meg dit, før eg vart magnetisk drege ut i lyngen. Rimelig stivt på toppen - skodde og generelt rusk og rask.

Ned att hadde eg tenkt å nytte meg av ein ny grusveg som etter sigende skulle gå over vikeskaret. Litt feilnavigering ned mot Røde-Kors-hytta, før eg kom ned til dalen der eg skulle kome inn på denne grusvegen. Ingen grusveg å sjå, berre meir sti/elv i eit myrlandskap prega av piskande sidelengs regn. Det byrja ane meg at kilden min ikkje hadde gått her sjølv. Vel vel, slik er det. Til slutt kom eg jo inn på grusstien lenger nede.

Eg skulle jo hatt nokon bilete frå dette ruskeeventyret, men det hadde betydd døden for telefonbatteriet. Men indre bilete er som kjent dei sterkaste.

Godt nytt år!

Startzeitpunkt	30.12.2019 19:49 (UTC+01:00)
Endzeitpunkt	30.12.2019 21:20 (UTC+01:00)
Gesamtzeit	1h 31min
Zeit in Bewegung	1h 31min
Pausenzeit	0h 0min
Gesamtschnitt	7,9km/h
Bewegungsschnitt	7,9km/h
Entfernung	12,0km
Höhenmeter	524m