Sogndal: Jordalsnipa, Heimstagretta og Fremstagretta (09.08.2019)
Geschrieben von boven (Ove Lotsberg)
Startpunkt | Heimastølen (100m) |
---|---|
Endpunkt | Heimastølen (100m) |
Tourcharakter | Bergtour |
Tourlänge | 8h 39min |
Entfernung | 18,1km |
Höhenmeter | 2.048m |
GPS |
Besteigungen | Fremstagretta (1.315m) | 09.08.2019 |
---|---|---|
Heimstagretta (1.494m) | 09.08.2019 | |
Jordalsnipa (1.453m) | 09.08.2019 | |
Besuche anderer PBE | Fribakkholten (565m) | 09.08.2019 |
Sogn og Fjordane pf 100 610/1169
Ennå er det muleg å finne dagsturer sørover, Fjærland er innan rekkevidde. Denne har venta lenge, no var det på tide med Heimstagretta pluss eit par toppar til. Bjørn Bastolen (Bjørn André Stølen) og Torleiv kroksleiven (Torleiv Orheim) var som vanleg glimrande turfølge. Vi valgte å bruke Hiacen til Kroksleiven denne gongen sidan vi skulle kjøyre oppover mot Heimastølen. Dette viste seg å være lurt. Eit parti på veien er svært dårleg, steinete og humpete. Parkerte ved Heimastølen der det er ein liten parkeringsplass ved sidan av infotavler om blant anna Holten. Gjekk veien framover til skilting Holten og bru over elva. Så inn på merka rute bratt opp lia til Holten eller Fribakkholten. Stien er bra og lett å følgje, men svært bratt. På Holten er det kasse med bok. Vidare er det svak sti som delvis er grei å følgje opp til Holtafossen. Herifrå forsvinn den. Frå Holten til Heimstagretta er det ei svært markert hylle som det er umulig å kome opp, med unntak av ein plass. Vi gjekk først mot Jordalsnipa, fulgte ryggen opp mot den nordaustlege toppen. Det er 3 aktuelle toppunkt. NØ og SV viste begge 1454-1455 på GPS. Umulig å seie kva som er høgaste. Den mitre toppen med varde er 1-2 meter lavere. SV-toppen som er markert på kartet med 1453 og trigpkt hadde ingen varde. Skal du hit bør då gå over alle 3 toppane! Returnerte ned ryggen og så enkelt opp til Heimstagretta. Det er muleg ein kan gå nordryggen til Midtgretta! Men for ikkje å kødde det til og kaste vekk tid valgte vi å gå ned austryggen til punktet der vi kom opp på hylla. Her ligg det ein bre som ikkje viser på kartet. Gjekk først veldig bratt ned nokre sva og så langs breen heilt i kanten mot steinura. Vel nede forbi hylla igjen hadde vi ca 2 km i luftlinje til Fremstagretta. La igjen sekkene ved 1140-vatnet og rusla til topps. Fantastisk flott område, heilt utan folk. Så var det å kome seg tilbake til Holtafossen og ned den bratte lia igjen. Glimrande tur.
https://peakbook.org/tour/322711/Sogndal:+Jordalsnipa%2C+Heimsta-+og+Fremstagretta.html
Benutzerkommentare