Ringebufjell (04.08.2019)
Geschrieben von Hansi (Hans Thorvald Nygaard)
| Tourlänge | 6h 01min |
|---|---|
| Entfernung | 24,5km |
| Höhenmeter | 843m |
| GPS |
|
| Besteigungen | Veslmuen (1.318m) | 04.08.2019 11:43 |
|---|---|---|
| Gråvorden (1.390m) | 04.08.2019 12:09 | |
| Gråpiggen (1.380m) | 04.08.2019 12:31 | |
| Grøtørhøgda (1.384m) | 04.08.2019 13:25 | |
| Stulshøgdin (1.206m) | 04.08.2019 14:39 | |
| Stulshøgdin V1 (1.201m) | 04.08.2019 14:59 | |
| Besuche anderer PBE | Muen parkering (1.060m) | 04.08.2019 10:58 |
| Gråhøgdbu (Stengt) (1.135m) | 04.08.2019 16:11 |
Tur med pappa og Kristine. Vi drog ganske tidleg frå Nygaard, og parkerte på parkeringsplassen nedunder Muen. Pappa var klar til å gå litt før Kristine og meg, så han gjekk i vegen litt før oss. Vi tok litt forskjellige rå til å byrje med, og han gjekk oppom Muen, medan Kristine og eg følgde Rondanestien mot Gråhøgdbu. Ved Mumillom-råket tok vi av frå råket, og gjekk i terrenget opp til Velsmuen, det var veldig fint terreng å gå i oppover. Vi gjekk utanom råk heilt til vi kom inn at på Rondanestien mellom Stulshøgdin V1 og V2.
Frå Veslmuen sikta vi oss inn på det som såg ut som toppvarden på Gråvorden, men det var ein varde sørvest for toppen. Vidare gjekk vi på Gråpiggen, der Kristine og eg bygde opp varden medan vi venta på pappa. Deretter gjekk vi vidare mot Grøtørhøgda. Til Grøtørhøgda hadde vi ikkje brukt lenger tid enn at vi vart einige om å ta med Stulshøgdin (litt tidspress da pappa har fjøsstell).
Veldig lettgått og fint ned frå Grøtørhøgda. Vi håpa på å få råk over til Stulshøgdin, men det innteikna råket var det ikkje mykje å sjå til. Nokon vardar her og der, og eit svakt tråkk gjennom det verste myrpartiet (som var ganske tørt).
Vi gjekk oppom to av fire toppar på Stulshøgdin, før vi følgde Rondanestien til Gråhøgdbu. Ved Gråhøgdin er råket teikna inn feil på kartet med 20 meterskoter, men riktig om man zoomar inn, eller brukar berre basiskartet. På Gråhøgdbu tok vi ein kort pause, før vi gjekk det siste stykkje attende til bilen.
Ein flott tur i eit kolossalt fint fjellområde. Strålande sol og varmt heile turen, og flott utsikt i alle retningar, særleg mot andre Ringebufjell, Rondane, Sølen og Sølnkletten.
Benutzerkommentare